Shreyas Iyer Photo with Girls: श्रेयस अय्यरच्या हॉटेल रूममध्ये दोन तरूणी? Photo व्हायरल झाला अन् चाहत्यांनी घेतली शाळा

श्रेयस सध्या ऑस्ट्रेलिया विरूद्धच्या कसोटीसाठी भारतीय संघासोबत आहे

Shreyas Iyer Photo with Girls inside hotel room: भारतीय संघ सध्या ऑस्ट्रेलिया विरूद्ध कसोटी मालिका खेळत आहे. या मालिकेतील पहिला सामना भारताने मोठ्या फरकाने जिंकला. त्यानंतर दुसऱ्या कसोटीतही रोहित शर्माच्या टीम इंडियाने सहज विजय मिळवला. पहिल्या दोन कसोटीत फिरकीला पोषक खेळपट्टी असल्याची टीका झाली. तरीही तिसऱ्या कसोटीत तशीच खेळपट्टी मिळाली. त्यावर ऑस्ट्रेलियाने भारतालाच चारीमुंड्या चीत केले आणि मालिकेत २-१ असे कमबॅक केले. या विजयासोबत ऑस्ट्रेलिया विश्व कसोटी अजिंक्यपद स्पर्धेच्या फायनलमध्ये पोहोचला. आता भारताला फायनलमध्ये पोहोचण्यासाठी चौथी कसोटी जिंकणे आवश्यक आहे. ही कसोटी अहमदाबादमध्ये ९ तारखेपासून सुरू होणार आहे. त्याआधी भारताचा मधल्या फळीतील मुंबईकर (Mumbai) फलंदाज श्रेयस अय्यरच्या रूममधील एका फोटोने फॅन्सना टीका करण्याची संधी दिली. नक्की काय आहे प्रकरण.. जाणून घेऊया.

भारतीय संघाची मधली फळी सध्या रिषभ पंत नसल्याने काहीशी कमकुवत असल्याचे दिसत आहे. रोहित शर्मा, विराट कोहली, चेतेश्वर पुजारा हे तिघे चांगली कामगिरी करत आहेत. पण दुसरा सलामीवीर म्हणून राहुल फारशी चांगली कामगिरी करू शकलेला नाही. त्याशिवाय रिषभ पंत नसल्याने संघात केएस भरतला संधी देण्यात आली आहे. पण त्याचा अनुभव पाहता, संघात आणखी दोन अनुभवी फलंदाज असणे गरजेचे असल्याने, गेल्या दोन सामन्यात श्रेयस अय्यरला संघात संधी देण्यात आली आहे. पण श्रेयसने दुसऱ्या कसोटीत ४ आणि १२ धावा केल्या. तर तिसऱ्या कसोटीत त्याने ० आणि २६ धावा केल्या. त्यामुळे त्याच्या खेळाबद्दल त्याच्यावर टीका होत असतानाच, एका फोटोमुळे तो चाहत्यांच्या नजरेत आला आहे.

हा आहे तो फोटो-

Shreyas Iyer with fans in Indore. pic.twitter.com/XR53jz5L2G

— Mufaddal Vohra (@mufaddal_vohra) March 5, 2023

श्रेयस अय्यरचा हा फोटो विविध युजर्सनी व्हायरल झाल्यामुळे ट्विट केला आहे. यात, श्रेयस अय्यर दोन तरूणींसोबत मिरर सेल्फीसाठी पोज करताना दिसत आहे. मात्र या फोटोतील बॅकग्राऊंड पाहता, ही हॉटेलची रूम असल्याचे वाटत आहे. त्यामुळे, महिला फॅन्सना थेट खेळाडूंच्या रूममध्ये येण्याची परवानगी मिळते का, असा सवाल अनेकांनी विचारला आहे. काहींनी अय्यरला, महिला फॅन्सकडे लक्ष देण्यापेक्षा खेळावर लक्ष दे, असा सल्ला दिला आहे. तर काही लोकांनी सेल्फी काढणाऱ्या मुलीचीच शाळा घेतली आहे. एखाद्या सेलिब्रिटीसोबत फोटो काढताना स्वत:चाच चेहरा झाकणे हा काय प्रकार आहे, असे काही युजर्सने म्हटले आहे.