इवल्याश्या मुलीचे शरीर रबराप्रमाणे वाकते, स्टंट इतके जबरदस्त की तुम्ही व्हाल हैराण!

या व्हिडिओमधील चिमुकलीचं कौशल्य नेटकऱ्यांची मनं जिंकत आहे. सध्या व्हायरल होत असलेल्या या व्हिडिओमध्ये ही लहान मुलगी रबराप्रमाणेच लवचिक आहे.

सोशल मीडियावर (Social Media) लहान मुलांचे अनेक व्हिडिओ व्हायरल झाल्याचं (Viral Videos of Children's) पाहायला मिळतं. सध्या अशाच एका लहान मुलीचा व्हिडिओ चर्चेत आहे. या व्हिडिओमधील चिमुकलीचं कौशल्य नेटकऱ्यांची मनं जिंकत आहे. सध्या व्हायरल होत असलेल्या या व्हिडिओमध्ये ही लहान मुलगी रबराप्रमाणेच लवचिक आहे.

😯 pic.twitter.com/b7GF2RUhrs

— Bruno 😎 ברונו (@SoulPitStop) August 10, 2021

सोशल मीडियावर व्हायरल होत असलेला व्हिडिओ (Viral Video) पाहून अंदाज येतो की हा व्हिडिओ कुठल्या तरी कराटे ट्रेनिंग सेंटरमधील आहे. यात अनेक लहान मुलं बसलेली दिसत आहेत. सुमारे ४ वर्षाची एक मुलगी कराटेप्रमाणे पोज देत आहे. यानंतर ती आपले दोन्ही हात बाजूला घेऊन आपल्या पायांनी डोक्याला स्पर्श करून वॉक करू लागते. यानंतर ती कोलांटी उड्या मारू लागते. एक राऊंड पूर्ण होताच ती आपलं शरीर फोल्ड करते आणि जमिनीवर उड्या घेत पुढे सरकू लागते.

या व्हिडिओमध्ये चिमुकलीचे स्टंट अत्यंत जबरदस्त आहेत. हे स्टंट पाहून नेटकरीही हैराण झाले आहेत. व्हिडिओमध्ये पुढे पाहायला मिळतं, की ही चिमुकली आपले हातपाय स्ट्रेच करून खांद्यावर ठेवते. यानंतर पोटाच्या बाजूनं जमिनीवर झोपते आणि संपूर्ण शरीर फिरवण्यास सुरुवात करते. तिला पाहून असं वाटतं, की तिचं शरीर एखाद्या बेयरिंगवर फिट केलंय. हा व्हिडिओ सध्या सोशल मीडियावर मोठ्या प्रमाणात शेअर केला जात आहे. अनेकांनी व्हिडिओवर कमेंट करत चिमुकलीचं कौतुक केलं आहे.