Video: 'हवाहवाई'... तरूणीने हजारो फूट उंच हवेत आकाशात केला दिमाखदार डान्स

तरूणीचा एक 29 सेकंदाचा व्हिडिओ सध्या सोशल मीडियावर चर्चेचा विषय ठरला

Dance In Sky, Viral Video : सोशल मीडियावर दररोज वेगवेगळे व्हिडीओ व्हायरल होत असतात. या व्हिडीओंना काही वेळा पसंती मिळते तर काही वेळा टीकेचा सामना करावा लागला. काही व्हिडीओ असे असतात ज्यांना निर्विवाद वाहवा मिळते. असाच एक व्हिडीओ सध्या सोशल मीडियावर व्हायरल होताना दिसत आहे. स्कायडायव्हिंग हा साहसी क्रीडाप्रकार मानला जातो. याद्वारे आपण आकाशात उडू शकतो आणि जास्तीत जास्त जग आपल्या डोळ्यांनी पाहू शकतो. पण तुम्ही कधी एखाद्या व्यक्तीला हवेत स्कायडायव्हिंग करता-करता नाचताना पाहिले आहे का? पण एका तरूणीने हे साहस करून दाखवलं आहे.

तरूणीचा एक 29 सेकंदाचा व्हिडिओ सध्या सोशल मीडियावर चर्चेचा विषय ठरला आहे. हा व्हिडीओ पाहिल्यानंतर तुम्हाला धडकी भरेल, काहींना नवल देखील वाटू शकेल. कारण ती मुलगी ठराविक उंचीवर इतक्‍या आकर्षकपणे डान्स मूव्स करत आहे त्यावरून ही जणू कुणी जादूगारच असल्याचे वाटते. जमिनीपासून हजारो फूट उंच हवेत नाचायला खूप हिंमत लागते. पण खास गोष्ट म्हणजे ती मुलगी प्रत्येक डान्स मूव अगदी नीट पार पाडते. मोकळं आभाळ जणू एक स्टेजच आहे अशा प्रकारे ती डान्स मूव्स करताना दिसते.

L e g e n D pic.twitter.com/9ce0lTTHDq

— Enezator (@Enezator) October 16, 2023

तुमच्या माहितीसाठी सांगतो की, हा व्हिडिओ जरी जुना असला तरी त्यात तरूणीने केलेले साहस आजही एखाद्याला प्रेरित करू शकेल. या तरूणीच्या व्हिडीओला चाहत्यांनी मोठ्या प्रमाणावर पसंती दर्शवली आहे. तसेच लाइक आणि कमेंट करून वाहवा देखील केली आहे.