भर पावसात 21 तास गुडघ्यावर बसला, फुलांचा गुच्छ घेऊन गर्लफ्रेंडची माफी मागत राहिला पण...

एक व्यक्ती आपल्या एक्स गर्लफ्रेंडची माफी मागण्यासाठी 21 तास गुडघ्यावर बसून राहिला आहे.

नातेसंबंधांमध्ये आदर आणि क्षमा ही मोठी भूमिका बजावते. अनेक वेळा लोक चुका करतात पण आदर दाखवतात आणि माफी मागतात. जरी कधीकधी क्षमा कार्य करते, परंतु काहीवेळा ते होत नाही. अशीच एक घटना आता चीनमध्ये समोर आली आहे. एक व्यक्ती आपल्या एक्स गर्लफ्रेंडची माफी मागण्यासाठी 21 तास गुडघ्यावर बसून राहिला आहे. पण हे सर्व करून सुद्धा माफीही मिळाली नाही.

चीनच्या एका प्रांतातील ही घटना आहे. साउथ चायना मॉर्निंग पोस्टच्या एका रिपोर्टनुसार, प्रेमात पडलेल्या या व्यक्तीने संपूर्ण रात्र आपल्या एक्स गर्लफ्रेंडच्या ऑफिसबाहेर पावसात घालवली. याच दरम्यान तो गुडघ्यावर बसून राहिला. हा माणूस 28 मार्च रोजी दुपारी 1 वाजल्यापासून दुसऱ्या दिवशी सकाळी 10 वाजेपर्यंत गुलाबाच्या फुलांचा गुच्छ घेऊ गुडघ्यावर बसून राहिला.

आपल्या एक्स गर्लफ्रेंडला परत येण्याचे आवाहन केले आणि माफीही मागितल्याचे सांगण्यात आले. या व्यक्तीला पाहताच परिसरातील नागरिक त्याच्याभोवती जमा झाले आणि त्यांनी त्याला उठण्यास सांगितले, मात्र तरीही तो उठला नाही. रिपोर्टमध्ये असे म्हटले आहे की जोपर्यंत ती व्यक्ती गुडघ्यावर बसली होती तोपर्यंत त्याची एक्स कोठेही दिसत नव्हती. एका प्रत्यक्षदर्शीने सांगितले की, आमच्यापैकी अनेकांनी त्याचे मन वळवण्याचा प्रयत्न केला पण तो मान्य झाला नाही आणि शांत बसून राहिला.

तो तिथे असताना पाऊस पडत होता. एवढेच नाही तर पोलिसांचे पथकही तेथे पोहोचले, मात्र तरीही तो तसाच बसून राहिला. शेवटी, दुसऱ्या दिवशीही जेव्हा त्याची एक्स त्याला माफ करायला आला नाही तेव्हा तो तिथून निघून गेला. या संपूर्ण घटनेमागचं कारण समजू शकलेलं नाही. पण फोटो जोरदार व्हायरल झाला आहे. एका हिंदी वेबसाईटने याबाबतचे वृत्त दिले आहे. 

सर्व ठळक बातम्यांसाठी जरूर वाचा महाराष्ट्रातील अव्वल मराठी वेबसाईट "लोकमत डॉट कॉम"