बापरे! सिंहासोबत सेल्फी घ्यायला गेला; अन् असं काही करून बसला, पहा व्हायरल व्हिडीओ

एका तरुणाने थेट सिंहासोबत आधी सेल्फी आणि नंतर टिक टॉक व्हिडीओ तयार करून व्हायरल केला आहे. 

सध्या लॉकडाऊनमुळे माणसं घरात कैद आहेत. प्राण्याचा मात्र मुक्त संचार सुरू आहे. गेल्या काही दिवसात प्राण्यांचे अनेक व्हिडीओ तुम्ही सोशल मीडियावर पाहिले असतील. वाघ, मोर, सिंह यांसारख्या प्राण्यापक्ष्यांचे व्हिडीओ सोशल मीडियावर व्हायरल होत आहेत. असाच एक व्हिडीओ आज आम्ही तुम्हाला दाखवणार आहोत. हा व्हिडीओ पाहून काहीवेळासाठी तुम्ही घाबराल. कारण आता एका तरुणानं थेट सिंहासोबत आधी सेल्फी आणि नंतर टिक टॉक व्हिडीओ तयार करून व्हायरल केला आहे. 

वाघासोबत टिकटॉक व्हिडीओ तयार करणं पडलं महागात... pic.twitter.com/F2a8abiSbO

— Kranti Kanetkar (@Krantikanetkar2) May 9, 2020

हा व्हिडीओ सोशल मीडियावर खूप व्हायरल झाला आहे. गीर सोमनाथ या ठिकाणी विशाल नावाच्या तरुणाने बसलेल्या सिंहासोबत सेल्फी घेतला. हा व्हिडीओ व्हायरल होताच वन विभागाकडून या तरुणावर कारवाई करण्यात आली आहे. विशाल सिंहासोबत सेल्फी घेत असताना सावन नावाच्या तरुणाने त्यांची व्हिडीओ काढण्यासाठी मदत केल्याप्रकरणी दोघांविरुद्ध गुन्हा दाखल करण्यात आला आहे.(हे पण वाचा- बापरे! माकडाच्या पिल्लानं चिमुकलीला फरफटत नेलं, पाहा Shocking Video)

या व्हिडीओमध्ये तुम्ही पाहू शकता सिंहाच्या जवळजाऊन हा तरूण सेल्फी काढत आहे. सिंहानं त्याच्यावर हल्ला केला असता तर मोठा अनर्थ घडला असता. अशा पद्धतीने व्हिडीओ काढण्यास किंवा सेल्फी काढण्यासाठी मनाई असताना तरुणाने केलेल्या हा धाडसामुळे गोंधळ निर्माण झाला आहे. या सगळ्या प्रकरणात  सिंहाने जर काही केलं असतं तर त्याला जबाबदार कोण असा सवालही उपस्थित केला जात आहे. तर या दोन्ही तरुणांना अशा पद्धतीनं व्हिडीओ काढण्याची परवानगी कोणी दिली याबाबत चौकशी सुरू आहे. (हे पण वाचा-Video : वाईनची बॉटल उघडायच्या नादात भलतंच घडलं; पाहून पोट धरून हसाल)