चोराने तरूणीची बॅग लुटली, बॉयफ्रेंड एकटीला सोडून पळाला आणि मग...

Viral Video : एक व्हिडीओ व्हायरल झाला असून त्यात एक अविश्वसनीय घटना दिसत आहे. ज्यात दोन चोर बाईकवरून आले. त्यांनी तरूणीकडील बॅग घेतली, पण काही वेळातच परत केली. चला जाणून घेऊ कारण...

Robbers Return Handbag To Girl: रस्त्यावर चोरी-लुटमारीच्या अनेक घटना नेहमीच समोर येत असतात. चोर येतात आणि लोकांकडील वस्तू हिसकावून पळून जातात. पायी चालणारे जास्तीत जास्त लोक या चोरांचे शिकार होतात. पण चोरींच्या काही अजबही घटना समोर येतात. काही दिवसांआधी समोर आलं होतं की, एक चोर चोरी करण्यासाठी गेला आणि महिलेच्या प्रेमात पडला. आता त्याहून एक वेगळी घटना समोर आली आहे. एका चोराने तरूणीकडून बॅग हिसकावली, पण एका कारणाने त्याचं मन बदललं आणि त्याने तिला बॅग परत केली.

एक व्हिडीओ व्हायरल झाला असून त्यात एक अविश्वसनीय घटना दिसत आहे. ज्यात दोन चोर बाईकवरून आले. त्यांनी तरूणीकडील बॅग घेतली, पण काही वेळातच परत केली. चला जाणून घेऊ कारण...

व्हिडिओत तुम्ही बघू शकता की, एक तरूणी एका तरूणासोबत रस्त्यावरून चालत आहेत. मागून दोन चोर बाईकवरून येतात. बाईकवरील एक चोरी जसा तरूणीजवळ जातो आणि तिला धमकावतो. तिच्यासोबत असलेला तरूण घाबरतो आणि तरूणीला एकटी सोडून तिथून पळून जातो. चोर तिच्याकडील बॅग घेतो आणि पळून जाणार इतक्या थांबतो. तरूणी आपल्या पळून गेलेल्या बॉयफ्रेंडकडे बघत असते.

तरूणाचं हे वागणं पाहून चोरही हैराण होतो आणि त्याला तरूणीवर दया येते. चोर तरूणीसोबत संवाद साधत असल्याचं दिसतं. दरम्यान मन बदलल्याने चोर तरूणीला तिची बॅग परत देतो. असंही दिसत आहे की, चोरांनी जाण्याआधी तरूणीला काहीतरी सल्लाही दिला. 

¿Ya ves?
Ese hombre no te conviene... pic.twitter.com/ytPu8rybh2

— Capitán Garufa (@GarufaCapitan) June 27, 2023

कॅपिटान गरूफा द्वारे ट्विटरवर हा व्हिडीओ शेअर करण्यात आला आहे. हा व्हिडीओ कुठला आहे हे समजू शकलं नाही. पण ही घटना शेजारच्या इमारतीमधील कॅमेरात कैद झाली आहे.