हे जरा जास्तच झालं! घराच्या सफाईसाठी काकू चक्क खिडकीवर चढल्या, अन्...

महिलेचा सफाई करतानाचा व्हिडिओ सध्या सोशल मीडियावर व्हायरल होत आहे.

Social Media Viral Video: दिवाळीनिमित्त बहुतांश लोक घरांची साफसफाई करत असतात. विशेषतः घरातील महिला घराच्या कानाकोपऱ्याची सफाई करतात. अशाच एका महिलेचा सफाई करतानाचा व्हिडिओ सध्या सोशल मीडियावर व्हायरल होत आहे. व्हिडिओमधील महिला घराच्या सफाईसाठी स्वतःचा जीव धोक्यात घातल्याचे दिसत आहे.

व्हायरल व्हिडिओमध्ये दिसत आहे की, एक महिला जीवाची पर्वा न करता खिडकीबाहेर येते आणि खिडकीच्या काचा पुसते. यावेळी ती फक्त हाताच्या आधाराने खिडकीबाहेर उभी राहते आणि कपड्याने खिडकीची सफाई करते. यादरम्यान समोरील इमारतीमधून एका व्यक्तीने त्या महिलेचा व्हिडिओ काढला. हा व्हिडिओ सध्या सोशल मीडियावर वेगाने व्हायरल होत आहे. 

Agar inke ghar Laxmi ji nahi aayi toh kisi ke ghar nahi aayegi Diwali pe pic.twitter.com/SPTtJhAEMO

— Sagar (@sagarcasm) October 20, 2022

व्हायरल व्हिडिओ @sagarcasm नावाच्या युजरने सोशल मीडियावर शेअर केला आहे. व्हायरल होत असलेला हा व्हिडिओ 13 लाख लोकांनी पाहिला आहे. त्याचबरोबर या व्हिडिओवर एक कॅप्शनही शेअर करण्यात आली आहे. कॅप्शनमध्ये लिहिले आहे- 'माता लक्ष्मी या महिलेच्या घरी आल्या नाहीत, तर कोणाच्याच घरी येणार नाहीत...' या व्हिडिओवर अनेक यूजर्सच्या कमेंट्स पाहायला मिळत आहेत.