Tiger Attack Video: हत्तीवर बसलेल्या महावतावर वाघाचा जीवघेणा हल्ला; पाहा थरकाप उडवणारा व्हिडिओ...

Tiger Attack Video: अचानक वाघाने हल्ला केल्याने हत्तीही घाबरुन ओरडायला लागतात.

Tiger Attack Video: सोशल मीडियावर प्राण्यांच्या हल्ल्याचे अनेक व्हिडिओ व्हायरल होत असतात. यातील काही व्हिडिओ अतिशय भीतीदायक असतात. या विशेषतः वाघांच्या हल्ल्याचे व्हिडिओ अंगावर टाके आणणारे असतात. अशाच प्रकारचा एक व्हिडिओ सध्या सोशल मीडियावर मोठ्या प्रमाणात व्हायरल होत आहे. यात हत्तीवर बसलेल्या महावतावर वाघ उडी मारुन हल्ला करतो.

मीडिया रिपोर्ट्सनुसार, हा व्हिडिओ जुना आहे, पण ट्विटरवर नव्याने व्हायरल होत आहे. हा व्हिडिओ काझीरंगा नॅशनल पार्कमधील असल्याचे बोलले जात आहे. पण, याची पुष्टी होऊ शकलेली नाही. या व्हिडिओमध्ये अनेक हत्तींवर बसून पर्यटक सफारीचा आनंद घेत असल्याचे दिसत आहे. यावेळी उंच गवतातून अचानक वाघ येतो आणि झेप घेऊन हत्तीवरील महावताला खाली पाडण्याचा प्रयत्न करतो. 

Look like he lost a hand and the tiger might’ve got shot or stomped out pic.twitter.com/TtFTWAnJp6

— valar dohaeris 💎♦️⚖️ 🇯🇲 🗽 (@the_REALization) December 29, 2022

सुदैवाने महावत हत्तीवरुन पडत नाही. पण, यादरम्यान तो वाघ महावताला पंजा मारुन गंभीर जखमी करतो. विशेष म्हणजे, वाघाने हल्ला करताच तिथे उपस्थित सर्व हत्ती घाबरुन सैरावैरा पळायला लागतात. दुसऱ्या एका हत्तीवर बसलेल्या व्यक्तीने हा व्हिडिओ त्याच्या कॅमेऱ्यात शूट केला. या घटनेत महावताच्या हाताला वाघाचा पंजा लागल्याने गंभीर दुखापत होते.