अभिनेत्री मधुबालासारख्याच दिसणाऱ्या या मुलीचे TikTok व्हिडीओ व्हायरल
By ऑनलाइन लोकमत | Published: October 10, 2019 04:29 PM2019-10-10T16:29:22+5:302019-10-10T16:29:39+5:30
आपल्या अभिनयाने आणि रूपाने हिंदी चित्रपटसृष्टी गाजवणारी अभिनेत्री मधुबाला. अजुनही अनेक लोकांच्या गळ्यातील ताईत आहे. सध्या टिकटॉकवर यांच्याप्रमाणे दिसणारी एक मुलगी चर्चेत आली आहे. हुबेहुब मधुबालाप्रमाणे दिसणाऱ्या या मुलीला 'टिकटॉक ची मधुबाला' म्हणून ओळखलं जाऊ लागलं आहे.
अभिनेत्री मधुबालासारख्याच दिसणाऱ्या या मुलीचे TikTok व्हिडीओ व्हायरल
टिकटॉकने अनेक सामान्य माणसांना सेलिब्रिटी बनवलं आहे. जसं यूट्यूबर किंवा इंटरनेट सेन्सेशन असं म्बटलं जातं त्याचप्रमाणे आता टिकटॉक स्टार असंही म्हटलं जाऊ लागलं आहे. टिकटॉकने इतर सर्व अ‍ॅप्सना मागे टाकून आपलं एक वेगळं अस्तित्व तयार केलं आहे. टिकटॉकवर कोणी एखाद्या बॉलिवूड स्टारप्रमाणे दिसतं तर कोणी एकदम भारी अ‍ॅक्टिंग करतं.
टिकटॉकवर अनेक अशा व्यक्ती आहेत ज्या रणवीर सिंह, दीपिका पादुकोण, सलमान खान, अजय देवगण आणि आलिया भट्टची कार्बन कॉपी आहेत. या लोकांना फार प्रसिद्ध मिळाली आहे. पण सध्या टिकटॉकवर अशाच एका बलिवूड अभिनेत्रीची चर्चा आहे.
आता टिकटॉकवरील मधुबाला इंटरनेट सेंसेशन बनली आहे. या टिकटॉकच्या मधुबालाचं नाव आहे प्रियंका कंडवाल. ही हुबेहुब मधुबालासारखी दिसते तसेच तीचे हावभावही लाखो हृदयांची धडकन असणाऱ्या मधुबालाप्रमाणेच आहेत
मधुबालाप्रमाणे दिसत असल्यामुळे तिचे टिकटॉकवर 60 हजारांहून अधिर फॅन्स आहेत.
चित्रपट 'हावडा ब्रिज'मधील 'ये क्या कर डाला तूने...' हे गाणं तुम्ही ऐकलं असेलच. हे गाणं मधुबाला आणि अशोक कुमार यांच्यावर चित्रित करण्यात आलं आहे.
मधुबालावर चित्रित करण्यात आलेलं गाणं...
या गाण्यावर प्रियंकाने हुबेहुबे मधुबालाप्रमाणे एक्सप्रेशन दिले आहेत. हा व्हिडीओला अनेकांनी पसंती दिली आहे.
ट्विटरवर तिला टिकटॉकच्या मधुबालाचा टॅग मिळाला आहे. लोकांनी तिचा व्हिडीओ पाहून वेगवेगळ्या रिअॅक्शन्स दिल्या आहेत.
प्रियंकाला सोशल मीडियावर 'टिकटॉक ची मधुबाला' म्हटलं जातं आहे. टिकटॉकवर प्रियंकाचे जास्तीत जास्त व्हिडीओ मधुबालावरच आहेत. ज्यांना फार लाइक्स मिळत आहेत.
