आली अंगावर, घेतलं शिंगावर! म्हातारीने काठीने मारलं, मग बैलाने थेट उडवूनच लावलं.. (Video)

Angry bull attacks old lady: 'आ बैल मुझे मार...' म्हणजे काय ते या व्हिडीओतून नक्कीच दिसते

Angry bull attacks old lady: बैल हा एक असा प्राणी आहे जो उगाचच कुणावर चाल करून जात नाही. बैलामध्ये प्रचंड शक्ती असते पण तो सरसकट सगळीकडे त्या शक्तीचे प्रदर्शन करायला जात नाही. असे असले तरी एखाद्याने जर बैलाला डिवचले किंवा त्रास दिला तर मग तो त्या व्यक्तीला चांगलाच इंगा दाखवतो. रागावलेला बैल आपल्या शिंगांमध्ये किती बळ आहे याची प्रचिती देतोच. असाच एक प्रकार एका ठिकाणी घडला असून त्याचा व्हिडीओ तुफान व्हायरल होत आहे.

व्हायरल होत असलेल्या व्हिडिओमध्ये एक वृद्ध महिला काठीच्या साहाय्याने अरुंद रस्त्यावरून चालताना दिसत आहे. पुढच्याच क्षणी एक बैल तिथे येतो आणि म्हाताऱ्या बाईजवळ येऊन शांतपणे उभा राहतो. अशा वेळी महिला तेथून बाजूला होत नाही. उलट ती त्या बैलाला आपल्या काठीने फटके मारू लागते. बैल पहिल्या फटक्यानंतर फार काही करत नाही. पण त्यानंतरही महिला त्याला काठीने फटके मारतच राहते. त्यानंतर मात्र बैल त्या वृद्ध महिलेला थेट आपल्या शिंगावर घेत उडवून लावतो. पाहा व्हायरल व्हिडीओ-

Why did she hit it? pic.twitter.com/wn1E2hKwbm

— Idiots Caught In Camera (@IdiotsInCamera) September 2, 2024

हा व्हिडिओ @IdiotsInCamera या हँडलवरून ट्विटरवर शेअर करण्यात आला आहे. घडलेला प्रकार पाहिल्यावर  युजर्स आश्चर्य व्यक्त करत आहेत. अवघ्या १८ सेकंदांच्या या व्हिडीओला सुमारे ४ लाखांहून अधिक व्ह्यूज मिळाले आहेत.