Lion Jungle Safari Viral Video: सिंहाला शोधणाऱ्या पर्यटकासमोर जेव्हा सिंह स्वत:च येऊन उभा राहतो...

हा व्हिडीओ तुम्हीही नक्की पाहा

Lion Jungle Safari Viral Video: वाईल्ड लाईफचा आस्वाद घ्यायचा असेल, तर जंगल सफारीपेक्षा चांगला पर्याय असू शकत नाही. याद्वारे वन्य प्राण्यांना जवळून पाहण्याची संधी आपल्याला मिळते. पण कल्पना करा की तुम्ही सफारीचा आनंद घेत आहात आणि अचानक एखादा सिंह तुमच्या गाडीजवळ येऊन तुम्हाला नजर देत उभा राहिला तर... तुमची पहिली प्रतिक्रिया काय असेल? असाच एक प्रकार नुकताच घडला. आणि त्याचा व्हिडीओ सध्या सोशल मीडियावर प्रचंड व्हायरल होताना दिसतोय.

सिंहाला अगदी जवळून पाहिल्यावर तुमची अवस्था काय होईल हे साऱ्यांनाच माहिती आहे. सिंहाने आपल्यावर नजर रोखली आणि आपण सुरक्षित ठिकाणी नसू तर कोणीही घाबरणारच हे स्पष्ट आहे. सध्या असाच एक व्हिडिओ सोशल मीडियावर खूप चर्चेत आहे. व्हिडिओमध्ये एक सिंह पर्यटकांच्या वाहनांच्या अगदी जवळ पोहोचतो. त्यामुळे ट्रॅकर सीटवर बसलेल्या रेंजरची अवस्था पाहण्यासारखी होते. पाहा व्हिडीओ-

View this post on Instagram

A post shared by WildTrails.in (@wildtrails.in)

व्हायरल होत असलेला हा व्हिडीओ काही सेकंदांचा आहे, पण त्यात दिसणारे दृश्य खरोखरच काळजाचा ठोका चुकवणारे आहे. व्हिडीओमध्ये तुम्ही पाहू शकता की, जंगल सफारीदरम्यान कार एका ठिकाणी थांबते. पर्यटक आपले कॅमेरे काढून इकडून तिकडे फोटो काढतात. पण त्यानंतर सिंह ट्रॅकर सीटवर बसलेल्या रेंजरच्या अगदी जवळ येतो. यानंतर तो माणूस इतका घाबरतो की तो आपल्या जागेवरून हलतही नाही. अगदी स्तब्धपणे तो तसाच बसून राहतो. या दरम्यान सिंहाचे डोळे मात्र पाहण्यासारखे असतात. दरम्यान यानंतर पुढे काय घडले याबद्दल कोणतीही माहिती नाही, कारण व्हायरल झालेला व्हिडिओ तेथेच संपतो.