मालिकेत अचानक 'स्पायडर' बनली अभिनेत्री, Video पाहून तुम्हालाही हसू आवरणार नाही...

मालिकेतील हा सीन सध्या सोशल मीडियावर प्रचंड व्हायरल होत आहे.

TV Actress Turns Into Spider: सोशल मीडियावर दररोज अनेक कॉमेडी व्हिडिओ व्हायरल होत असतात. यात काही व्हिडिओ टीव्ही मालिकेतील असतात. काही दिवसांपूर्वी चंद्राचा तुकडा तोडून आणल्याचा व्हिडिओ व्हायरल झाला होता. त्यानंतर आता एक असा व्हिडिओ व्हायरल झालाय, जो पाहून तुम्ही पोट धरुन हसाल. या व्हिडिओमध्ये टीव्ही अभिनेत्री अचानक एका महाकाय कोळी(स्पायडर) बनताना दिसत आहे. 

या व्हिडिओमध्ये ही अभिनेत्री फक्त स्पायडर बनत नाही,तर स्पायडरमॅन चित्रपटाप्रमाणे हातातून जाळेही फेकताना दिसत आहे. या व्हिडिओमध्ये VFX ची क्वालिटी अतिशय सूमार असल्यामुळे नेटकरी मालिकेची खिल्ली उडवत आहेत. या मीम व्हिडिओच्या शेवटी स्पायडरमॅनची भूमिका साकारणारे टोबे मॅग्वायर आणि टॉम हॉलंड रडताना दिसत आहेत. 

View this post on Instagram

A post shared by Abhishek Kumar (@abhi_07_official.7)

व्हिडिओ पाहून लोकांनी खिल्ली उडवली
दरम्यान, ही मालिका कुठली आहे आणि कोणत्या चॅनेलवर दाखवली जाते, याची माहिती मिळू शकलेली नाही. मालिका कोणतीही असो, या सीनमुळे नेटकरी मालिकेची प्रचंड खिल्ली उडवत आहेत. तुम्हालाही हा व्हिडिओ पाहून आपले हसू आवरणार नाही.