रस्त्यावर चालवत होते बाईक, मग झाले असे की, लोक पोट धरुन हसू लागले...

पावसाची बरसात होताच रस्त्यावर छोटी छोटी तळी दिसू लागतात आणि या तळ्यातच पडून अनेक मजेशीर किस्सेही घडतात. असाच एक व्हिडिओ सोशल मिडियावर नेटकऱ्यांच्या हसण्याचे कारण ठरतोय. हा व्हिडिओ पाहुन जो तो या व्हिडिओतल्या दोघांची मजा घेतोय...

आपल्याकडे पाऊस बरसु लागला तशी सर्वत्र हिरवाई पसरते तसेच पसरते ते खड्ड्यांचे साम्राज्य. पाऊस पडायची खोटी रस्त्यात इतके खड्डे दिसुन येतात की रस्त्यात खड्डे की खड्ड्यात रस्ते असा प्रश्न पडतो. पावसाची बरसात होताच रस्त्यावर छोटी छोटी तळी दिसू लागतात आणि या तळ्यातच पडून अनेक मजेशीर किस्सेही घडतात. असाच एक व्हिडिओ सोशल मिडियावर नेटकऱ्यांच्या हसण्याचे कारण ठरतोय. हा व्हिडिओ पाहुन जो तो या व्हिडिओतल्या दोघांची मजा घेतोय...

दोन बुलेटस्वार खड्ड्यांतून वाट काढत काढत कसे बसे मार्गक्रमण करत असतात. अचानक एक असा टर्न येतो की त्या वळणावर खड्ड्यातून गाडी काढताना त्यांचा तोल जातो आणि ते एकामागोमाग एक धपकन खड्ड्यात पडतात. खड्ड्यातच त्यांचा सुर्यनमस्कार होतो. बाजूने जाणारे बाईकस्वार त्यांना बघत जातात. या व्हिडिओला जे संगीत दिलेले आहे ते ऐकल्यावर तर आणखी हसू येते. व्हिडिओवर वेट फॉर द एंड असेही लिहिलेले आहे. म्हणजे हा व्हिडिओ शेवटपर्यंत पाहण्यासाठी हा व्हिडिओ पोस्ट करणारा युजर सुचित करतोय.

तुम्ही या व्हिडिओत पाहु शकता कि रस्त्यावर जागोजागी खड्डे पडलेयत आणि त्यात पाणी भरलंय. सध्या सर्वत्र पाऊस पडत असल्याने जवळजवळ सर्व रस्त्यांची हिच स्थीती आहे. त्यामुळे वाढणाऱ्या अपघातांचे प्रमाणही चिंताजनक आहे. अशाच काहीशा कमेंट्स हा व्हिडिओ पाहिल्यावर नेटकऱ्यांनी केल्या आहेत. अनेक नेटकरी या व्हिडिओला पाहुन हसतही आहेत. काहीजण मजेशीर कमेंट्सही करत आहेत. एकाने म्हटलंय की बघताना तर मजा येतेय, पण याचे परिणाम फार धोकादायक आहेत. दुसरा म्हणतोय, पावसाच्या पाण्यात थोडं सांभाळूनच राहा.कारलव्हर्स_04 (carlovers_04) या युजरने हा व्हिडिओ इन्स्टाग्रामवर पोस्ट केला असून याला ६ तासातच ८० हजाराच्या वर व्हिव्ज मिळाले आहेत.