इंडिया गेटसमोर मागे लागलेल्या तरूणाला वैतागली रशियन तरूणी, लोकांनीही व्यक्त केला संताप!

Viral Video : एका व्हिडीओ सध्या सोशल मीडियावर व्हायरल झाला आहे. यात एक तरूण एका रशियन तरूणीला त्रास देताना दिसत आहे. 

Viral Video :  भारतात दरवर्षी जगभरातील पर्यटक फिरण्यासाठी येतात. भारतातील विविधरंगी संस्कृती त्यांच्यासाठी आकर्षणाचं कारण ठरते. इथे त्यांचं फारच आपुलकीने स्वागत केलं जातं आणि त्यांना मान दिला जातो. पण अनेकदा काही अनुचित प्रकारही घडतात. काही रिकामटेकडे किंवा अतिउत्साही लोक परदेशी पर्यटकांना त्रास देतात. ज्यामुळे भारताचं नाव खराब होतं. असाच एका व्हिडीओ सध्या सोशल मीडियावर व्हायरल झाला आहे. यात एक तरूण एका रशियन तरूणीला त्रास देताना दिसत आहे. 

गोवा, आग्रा, दिल्ली, राजस्थान, गुजरात, मुंबई अशा वेगवेगळ्या ठिकाणी पर्यटक भेट देतात. हा व्हिडीओ दिल्लीतील इंडिया गेटवरचा आहे. इथे एक तरूण रशियन तरूणीच्या मागे-पुढे डान्स करत तिला त्रास देत आहे. यादरम्यान तरूणी असहज होताना दिसत आहे. त्यावेळी तिचे वडील तरूणाला रोखण्याचा प्रयत्न करताना दिसत आहे. मात्र तरूण काही ऐकत नाही. तरूण रील बनवत राहतो. या व्हिडिओवर यूजरनी संताप व्यक्त केला आहे. 

सचिन राज व्हायरल इन्स्टा अकाऊंटवर हा व्हिडीओ शेअर करण्यात आला आहे. ज्यावर नेटिझन्स नाराजी व्यक्त करत आहेत. लोकांच्या नकारात्मक कमेंट वाचून सचिनने कमेंट सेक्शन डिसेबल केलं आहे. या व्हिडिओला आतापर्यंत 61 लाख व्ह्यूज मिळाले आहेत.