Video - हृदयस्पर्शी! आजारी मालकासोबत जाण्यासाठी रुग्णवाहिकेच्या मागे धावला श्वान अन्...

एक निष्ठावंत साथीदार रुग्णवाहिकेच्या मागे धावताना दिसत आहे, श्वानाला आपल्या मालकाची काळजी घेण्यासाठी त्याच्यासह रुग्णवाहिकेत थांबायचं होतं. 

सोशल मीडियावर एका हृदयस्पर्शी घटनेचा व्हिडीओ जोरदार व्हायरल होत आहे. ज्यामध्ये एका पाळीव श्वानाने त्याचा मालक मेडिकल इमर्जन्सीचा सामना करत असताना त्याला साथ दिली आहे. ट्विटरवर शेअर केलेल्या व्हिडिओमध्ये एक निष्ठावंत साथीदार रुग्णवाहिकेच्या मागे धावताना दिसत आहे, श्वानाला आपल्या मालकाची काळजी घेण्यासाठी त्याच्यासह रुग्णवाहिकेत थांबायचं होतं. 

GoodNewsMovement ट्विटरवर पोस्ट केलेल्या व्हिडिओमध्ये श्वानाने रुग्णवाहिकेमध्ये प्रवेश करण्याचा प्रयत्न केला परंतु लगेचच त्याला वाहनाबाहेर काढण्यात आलं. मात्र, रुग्णवाहिका पुढे सरकताच श्वानाने तिचा पाठलाग सुरू केला. तो ड्रायव्हरवर भुंकत राहिला आणि रुग्णवाहिकेभोवती फेऱ्या मारत राहिला. अशाप्रकारे श्वानाने मालकाला त्याच्या कठीण काळात साथ दिली. 

Extraordinary effort this dog ​​makes to be with his human in the ambulance. Good job by the ambulance team recognizing the importance of this companionship. pic.twitter.com/LLnharqjDt

— GoodNewsMovement (@GoodNewsMVT) January 12, 2024

"मालकासोबत रुग्णवाहिकेत राहण्यासाठी श्वान विलक्षण प्रयत्न करतो. या साथीदाराचं महत्त्व ओळखून रुग्णवाहिका टीमचं एक चांगलं काम" असं या व्हिडीओच्या कॅप्शनमध्ये म्हटलं आहे. श्वान रुग्णवाहिकेच्या मागे येत असलेला पाहून टीमने त्याला आत घेतलं आणि मालका शेजारी बसवलं. श्वानासह ते रुग्णालयाच्या दिशेने निघाले. इंटरनेटवर हा व्हिडीओ खूप व्हायरल होत असून त्याला भरपूर लाईक्स मिळाले आहेत.