Video: हे विमान आहे की एसटी! सीटसाठी मारामारी; प्रवाशांनी एकमेकांवर लगावले बुक्क्यांवर बुक्के

America Social Viral Video: सार्वजनिक सेवांद्वारे प्रवासाला निघताना सीट मिळविण्यासाठी आजही एसटी स्थानकांवर रुमाल टाकून, पिशवी टाकून जागा अडविल्याचे किस्से घडतात. यावरून आतमध्ये आल्यावर दुसराच व्यक्ती त्या सीटवर बसल्याचे दिसले की वादावादी होते. प्रसंगी प्रसादही एकमेकांना दिला जातो.

सार्वजनिक सेवांद्वारे प्रवासाला निघताना सीट मिळविण्यासाठी आजही एसटी स्थानकांवर रुमाल टाकून, पिशवी टाकून जागा अडविल्याचे किस्से घडतात. यावरून आतमध्ये आल्यावर दुसराच व्यक्ती त्या सीटवर बसल्याचे दिसले की वादावादी होते. प्रसंगी प्रसादही एकमेकांना दिला जातो. रेल्वेतही असे प्रकार घडतात. काही तर शाळेत गेला नाहीस का, हेच शिकवले का अशी पार लायकी देखील काढतात. परंतू विमानात कधी सीटवरून हाणामारी झाल्याचा प्रकार ऐकला आहे का? नाही. (A video captured on an American Airlines flight from New Orleans to Austin shows a fist fight that broke out between two passengers on Sunday.)

कसे शक्य आहे. तिकिट काढल्यावर जरी सीट कन्फर्म नसली तरी विमानतळावर त्या विमानाच्या काऊंटरवर तिकिट दाखविल्यावर तुमची सीट कोणती त्याचा नंबर दिला जातो. हा नंबर एकमेकांसारखा असणे शक्य नाही. परंतू , अमेरिकेसारख्या देशात चक्क विमानात सीटवरून प्रवाशांनी एकमेकांना बुक्क्यावर बुक्के हाणल्याचा प्रकार घडला आहे. या हाणामारीचा व्हिडीओ देखील व्हायरल झाला आहे. 

हे विमान New Orleans हून टेक्सासला जात होते. सीबीएसनुसार दोन प्रवाशांमध्ये सीटवरून वाद झाला. सीट रिक्लाइंड पोझिशनवर अडकली होती. जेव्हा विमानाचे लँडिंग झाले तेव्हा सीट बेल्ट साईन ऑफ होते. याचदरम्यान दोन्ही प्रवाशांमध्ये वाद आणि नंतर हाणामारी सुरु झाली. यामध्ये इतर प्रवाशांनी देखील हात धुवून घेतला. 

यानंतर विमानतळावरील पोलिसांना बोलविण्यात आले. पोलिसांनी दोघांनाही पकडून नेले. या व्हिडीओत दोघे हाणामारी करत असताना काही लोक पडल्याचे दिसत आहे.