राजाचा घोडा पर्यटकाला चावला, महिला पडली बेशुद्ध
By ऑनलाइन लोकमत | Published: July 25, 2024 09:23 AM2024-07-25T09:23:28+5:302024-07-25T09:24:38+5:30
VIDEO : अचानक घोड्याने महिलेला तिच्या उजव्या हाताला चावा घेतला. काही वेळाने महिला बेशुद्ध पडली.
![VIDEO : King Charles' guard horse bites tourist in London | राजाचा घोडा पर्यटकाला चावला, महिला पडली बेशुद्ध VIDEO : King Charles' guard horse bites tourist in London | राजाचा घोडा पर्यटकाला चावला, महिला पडली बेशुद्ध](https://d3pc1xvrcw35tl.cloudfront.net/images/420x315/horse-bite-1_2024071273386.jpg)
राजाचा घोडा पर्यटकाला चावला, महिला पडली बेशुद्ध
ब्रिटनमध्ये राजा चार्ल्सच्या सुरक्षा दलात समाविष्ट असलेल्या गार्डच्या घोड्याने एका पर्यटकावर हल्ला केल्याचा व्हिडीओ व्हायरल झाला आहे. लंडनमधील व्हाइटहॉलच्या बाहेर एक महिला फोटो काढत होती. तिच्या बाजूला घोड्यावर बसलेला चार्ल्सचा पहारेकरी होता. अचानक घोड्याने महिलेला तिच्या उजव्या हाताला चावा घेतला. काही वेळाने महिला बेशुद्ध पडली.
राजाच्या सेवेतील घोड्यांना योग्य प्रशिक्षण दिले जाते. मात्र, अनेकदा पर्यटकांची मोठी गर्दी त्यांना त्रास देते. सोशल मीडियावरील फुटेजमध्ये पर्यटक अनेकदा या घोड्यांच्या अगदी जवळ उभे असल्याचे दिसत आहे. सावधगिरीचा संदेश देणारे फलकही घोडा जिथे उभा आहे तेथील फलकांवर लावण्यात आलेले आहेत. 'सावध राहा, घोडा चावू शकतो.' त्याच्या लगामांना हात लावू नका.' असे लिहिलेले असतानाही पर्यटक त्याकडे दुर्लक्ष करतात.