VIDEO : एकत्र फणा काढून बसले होते ३ किंग कोब्रा, तरूण त्यांच्यासमोर बसून करू लागला मस्ती आणि मग...

King Cobra Viral Video: एक तरूण एक दोन नाही तर तब्बल तीन किंग कोब्रासमोर बसून व्हिडीओ शूट करत होता. पण त्याने अशी चूक केली जी त्याला आयुष्यभर लक्षात राहील.

King Cobra Viral Video: सापासोबत खेळणं किंवा त्यांच्यासोबत मस्ती करणं किती महागात पडू शकतं याची अनेक उदाहरणं सोशल मीडियावरील अनेकदा बघायला मिळतात. त्यामुळे साप पकडणारे ट्रेनिंग घेतलेले लोकही सापांना पकडताना अंतर ठेवून असतात. पण काही बहाद्दर ओव्हर कॉन्फिडन्समध्ये असं काही करतात की, त्यांना थेट हॉस्पिटलमध्ये दाखल करावं लागतं. असंच काहीसं एका तरूणासोबत झालंय. एक तरूण एक दोन नाही तर तब्बल तीन किंग कोब्रासमोर बसून व्हिडीओ शूट करत होता. पण त्याने अशी चूक केली जी त्याला आयुष्यभर लक्षात राहील.

सोशल मीडियावर व्हायरल झालेल्या या व्हिडीओत तुम्ही बघू शकता की, एक तरूण जंगलात एकत्र बसलेल्या तीन किंग कोब्रासमोर बसला आहे. तिनही सापांनी फणा काढलेला आहे. तरूण तिन्ही सापांना एका लाइन बसवतो. जेव्हा तिघेही त्याच्याकडे फणा काढून बसलेले असतात तेव्हा तरूण त्यांच्यासोबत मस्ती करू लागतो. त्यांच्यासोबत खेळू लागतो. हे बराच वेळ चालतं अशात अचानक एक किंग कोब्रा तरूणाच्या पायावर हल्ला करतो. नंतर स्वत:ला वाचवण्यासाठी तो सापाला पकडतो. पण तोपर्यंत सापाने त्याचं काम केलेलं असतं.

Don't try to be smart always..!#snake#sarpmitra@MahaForestpic.twitter.com/Daoxo7pftf

— Arun Sahay (@arsh_ved) March 16, 2022

हा व्हिडीओ ट्विटरवर @arsh_ved नावाच्या एका यूजरने शेअर केला आहे. त्याने कॅप्शनला लिहिलं आहे की, नेहमी ओव्हर स्मार्ट बनण्याचा प्रयत्न करू नका. त्याने या क्लिपमध्ये महाराष्ट्र फॉरेस्टलाही ट्रॅग केलं आहे.

तसेच हा व्हिडीओ प्रिया कदम नावाच्या महिलेनेही शेअर केला आहे. त्यांनी दावा केला आहे की, कर्नाटकातील एका व्यक्तीने त्यांच्यासोबत माज सैय्यद नावाचा एक स्टंटमॅन आणि त्याचे फोटो-व्हिडीओ शेअर केले होते. पण हे अजून समजू शकलेलं नाही की, हा व्हिडीओ कुठला आहे.