Video: एकच फाईट अन् वातावरण टाईट; मांजरीने सापाला दाखवलं अस्मान...

Viral Video: सोशल मीडियावर मांजर आणि सापाच्या भांडणाचा व्हिडिओ सध्या व्हायरल होत आहे.

Shocking Viral Video: सोशल मीडियावर दररोज प्राण्यांचे मजेशीर व्हिडिओ व्हायरल होत असतात. अशाप्रकारचे मजेशीर व्हिडिओ नेटकऱ्यांनाही खूप आवडतात आणि त्यावर विविध कमेंट्सही येत असतात. सध्या असाच एक व्हिडिओ व्हायरल होत आहे, ज्यात साप आणि मांजरीचे भांडण दिसत आहेत. विशेष म्हणजे यात मांजर सापावर वरचड झाल्याचे पाहायला मिळत आहे.

गेल्या काही दिवसांपासून हा व्हिडिओ सोशल मीडियावर वेगाने व्हायरल होत आहे. या व्हिडिओत एक साप मांजरीचा चावा घेण्यासाठी तिच्या दिशेने जाताना दिसतोय, तेवढ्यात मांजर अतिशय वेगाने त्या सापाला पंजा मारुन पळवून लावते. एकीकडे माणूस सापाला पाहून घाबरतो, पण दुसरीकडे साधी मांजर सापाला एका झटक्यात पळवून लावल्याचे यात दिसत आहे. 

The average cat's reaction time is approximately 20-70 milliseconds, which is faster than the average snake's reaction time, 44-70 milliseconds. pic.twitter.com/96wXACOBnd

— Weird and Terrifying (@Artsandcultr) March 6, 2023

व्हायरल व्हिडिओ ट्विटरवर @Artsandcultr नावाच्या अकाउंटवरुन शेअर करण्यात आला असून, या व्हिडिओला नेटकऱ्यांची चांगली पसंती मिळत आहे. या व्हिडिओला 3 लाख 65 हजारांहून अधिक व्हू आणि हजारो लाईक्स मिळाले आहेत. व्हिडिओवर नेटकरी विविध कमेंट्सही करत आहेत. अनेकजण मांजरीच्या धाडसाचे कौतुक करत आहेत.