Video : फ्रिज उघडला अन् समोर जे दिसलं ते पाहून बसला धक्का, फणा काढून बसला होता साप!
By ऑनलाइन लोकमत | Published: July 29, 2024 11:52 AM2024-07-29T11:52:47+5:302024-07-29T11:56:29+5:30
King Cobra Snake Video :सापाचा खतरनाक व्हिडीओ सध्या व्हायरल झाला आहे. जो बघून तुम्हालाही धडकी भरेल.
Video : फ्रिज उघडला अन् समोर जे दिसलं ते पाहून बसला धक्का, फणा काढून बसला होता साप!
King Cobra Snake Video : कुणासाठीही त्यांचं घर हे सगळ्यात सुरक्षित ठिकाण असतं. पण अनेकदा हे सुरक्षित ठिकाण धोक्यात आल्याच्या अनेक घटना समोर येत असतात. सोशल मीडियावर सापांचे कितीतरी व्हिडीओ व्हायरल होत असतात. असाच एक सापाचा खतरनाक व्हिडीओ सध्या व्हायरल झाला आहे. जो बघून तुम्हालाही धडकी भरेल. व्हिडीओत तुम्ही बघू शकता की, एक किंग कोब्रा फ्रीजच्या मागच्या जाळीत लपून बसला आहे.
सापाचं नाव काढताच अनेकांना घाम फुटतो. विचार करा जर तुम्हाला तुमच्या घरात आढळला तर तुमचं काय होईल. सापांचे वेगवेगळे व्हिडीओ समोर येत असतात. कधी साप बाईकच्या डिक्कीत, कधी चाकांमध्ये तर कधी कारच्या बोनेटमध्ये लपून बसल्याचे व्हिडीओ तुम्ही पाहिले असतील. पण हा व्हिडीओ खूपच धडकी भरवणारा आहे. इन्स्टाग्रामवर हा व्हिडीओ शेअर करण्यात आला आहे. हा साप फ्रीजच्या मागे लपला आहे आणि त्याला काढण्याचा प्रयत्न केला जात आहे.
हा व्हिडीओ सोशल मीडियावर तूफान व्हायरल झाला असून या व्हिडीओला आतापर्यंत 1 लाख 73 हजारांपेक्षा जास्त लाईक्स मिळाले आहेत. तर लोक या व्हिडीओवर वेगवेगळ्या कमेंट्स करत आहेत. अनेकांना प्रश्न पडलाय की, साप या ठिकाणी गेलाच कसा?