हंसाने पिल्लांसाठी पाण्यात बनवलं पंखांचं सुंदर घर, २ कोटींपेक्षा जास्त लोकांनी पाहिला व्हिडीओ

Swan Video : हा व्हिडीओ पाहून तुम्ही अवाक् तर व्हालच सोबतच भावूकही व्हाल. एका हंसाचा व्हिडीओ सध्या व्हायरल झाला.

Swan Video : प्रत्येक लेकरासाठी त्याची आई ही सगळ्यात महत्वाची असते. आपल्या लेकरांचा सांभाळ, त्यांची सुरक्षा कशी करावी हे आईपेक्षा जास्त चांगलं कुणाला माहीत नसतं. मग ते मनुष्य असो वा प्राणी. आई ती शेवटी आईच असते. हेच आईचं आईपण दाखवणारा हंसाचा एक व्हिडीओ सध्या चर्चेत आहे. 

सोशल मीडियावर नेहमीच वेगवेगळ्या आश्चर्यकारक गोष्टी बघायला मिळतात. कधी कधी धक्कादायक घटनाही बघायला मिळतात. तर कधी चेहऱ्या हसू फुलवणाऱ्या गोष्टी दिसतात. पक्षी किंवा प्राण्यांचे तर कितीतरी अचंबित करणारे व्हिडीओ व्हायरल होतात. असाच एक व्हिडीओ सध्या सगळ्यांचं लक्ष वेधून घेत आहे. हा व्हिडीओ पाहून तुम्ही अवाक् तर व्हालच सोबतच भावूकही व्हाल. एका हंसाचा व्हिडीओ सध्या व्हायरल झाला. हंस आपल्या पिल्लांची काळजी घेताना यात दाखवण्यात आलं आहे.

व्हिडिओत तुम्ही बघू शकता की, हंस आपल्या पिल्लांसोबत पाण्यात फिरत आहे. हंसाने सुरक्षितपणे आपल्या पिल्लांना आपल्या पखांखाली घेतलं आहे. सगळी पिल्लं आपल्या आईच्या पाठीवर बसून आराम करत आहेत. हे त्यांच्यासाठी सगळ्यात सुरक्षित घर आहे म्हणून त्यांना कसलीही चिंताही नसेल. हा फारच सुंदर नजारा सध्या सगळ्यांचं लक्ष वेधून घेत आहे.

लोकांना हा व्हिडीओ फारच आवडला असून ते पुन्हा पुन्हा हा व्हिडीओ बघत आहेत. इतकंच नाही तर लोक हा व्हिडीओ इमोशनलही झाले आहेत. इन्स्टाग्रामवर हा व्हिडीओ uzay.bilim.teknoloji नावाच्या यूजरने शेअर केला आहे. यूजर्स या व्हिडिओवर अनेक भावूक करणाऱ्या कमेंट्स करत आहेत. आतापर्यंत हा व्हिडिओ २ कोटींपेक्षा जास्त लोकांनी पाहिलाय आणि ३ कोटींपेक्षा जास्त लोकांनी हा व्हिडीओ लाइक केलाय. 

एका यूजरने कमेंट करत लिहिलं की, 'आई ती आईच असते'. दुसऱ्याने लिहिलं की, 'आतापर्यंत सगळ्यात अद्भूत व्हिडीओ'. तर तिसऱ्याने लिहिलं की, 'यापेक्षा सुंदर आणखी काय असू शकतं?'.