डॉली चायवाला एका शोसाठी तब्बल किती पैसे घेतो? काय काय मागण्या करतो? झाला धक्कादायक खुलासा

Dolly Chaiwala: एखाद्या शोमध्ये जाण्यासाठी डॉली चायवाला किती पैसे घेतो, काय काय डिमांड करतो, याबाबत धक्कादायक खुलासा करण्यात आला आहे.

Dolly Chaiwala: गेल्या काही दिवसांपासून डॉली चायवाला हा चर्चेचा विषय ठरत आहे. बिल गेट्स यांनी भारत भेटीदरम्यान डॉली चायवालाच्या टपरीलाही भेट दिली होती. डॉली चायवालाच्या टपरीवर बिल गेट्स चहा पितानाचा व्हिडीओ मोठ्या प्रमाणात व्हायरल झाला होता. नागपूरच्या रस्त्यावर चहा विकणाऱ्या डॉली चायवालाच्या अनोख्या स्टाइलमुळे तो नेहमी चर्चेत असतो. सोशल मीडियावर डॉली चायवालाचे फॉलोवर मोठ्या प्रमाणात असल्याचे म्हटले जात आहे. परंतु, डॉली चायवाला एका शोसाठी किती पैसे घेतो, डॉली चायवाला काय काय मागण्या करतो, याबाबत एका पॉडकास्टमध्ये धक्कादायक खुलासा करण्यात आला आहे. 

डॉली चायवाला आता एक सेलिब्रिटी बनला आहे. मालदीवच्या समुद्रकिनाऱ्यावर चहा बनवता दिसला होता. समुद्र किनाऱ्यावर फिरणाऱ्या लोकांना चहा बनवून देतानाचा व्हिडिओ तुफान व्हायरल झाला होता. डॉली चायवाला कोणत्याही शोमध्ये जाण्यासाठी मोठी डिमांड करतो. डॉली चायवाला याच्याबद्दल एक धक्कादायक खुलासा करण्यात आला आहे. डॉली चायवाला याच्याबद्दल हा खुलासा कुवेती फूड व्लॉगरने केला आहे. AK Food Vlog च्या नावाने ओळखल्या जाणाऱ्या फूड व्लॉगरने डॉली चायवाला याच्याबद्दल एक मोठा किस्सा सांगितला आहे.

 त्या व्यक्तीच्या मागण्या ऐकून धक्काच बसला

डॉली चायवाला याला कुवेतला बोलवायचे होते. डॉली चायवाला याला फोन केला. त्या व्यक्तीच्या मागण्या ऐकून मलाच मोठा धक्का बसला. फूड व्लॉगर फखरूद्धीन याने म्हटले की, तो डॉली चायवाला एका शोसाठी तब्बल ५ लाख रूपये घेतो. हेच नाही तर त्याला फाइव्ह स्टार किंवा फोर स्टार हॉटेलचे बुकिंग पाहिजे. यासोबतच त्याच्यासोबत एक व्यक्तीही असणार त्याचीही सर्व व्यवस्था करायची. त्याने खरोखरच मला फोनवर हे सांगितले. मी माझी ओळख सांगूनही तो माझ्याशी स्वतः येऊन बोलला नाही. तर त्याचा मॅनेजर बोलला. पाच लाख रूपये फीस ही फक्त एका दिवसाची असणार हे मला सांगण्यात आले, असा दावा करण्यात आला आहे.

दरम्यान, डॉली चायवाला याच्याबद्दलच्या हा व्हिडिओ इंस्टाग्रामवर शेअर करण्यात आला असून, हा व्हिडिओ आतापर्यंत २ कोटींपेक्षा अधिक लोकांनी बघितला आहे. खरोखरच डॉली चायवाला हा इतकी जास्त फी घेतो? असा प्रश्न आता विचारला जाऊ लागला आहे. या व्हिडिओबाबत डॉली चायवाला याच्याकडून काहीच खुलासा हा करण्यात आलेले नाही, अशी माहिती मिळाली आहे.