'या' कपलने रेस्टॉरन्टला दिली लाखो रूपयांची टिप, कारण वाचून व्हाल अवाक्...

Social Viral : शिकागोमधील एका कपलने हॉटेल स्टाफला इतकी टिप दिली की, तुम्ही कधी याची कल्पनाही केली नसेल.

Social Viral : रेस्टॉरन्टमध्ये जेवायला गेल्यावर टिप देणं ही सामान्य बाब आहे. सामान्यपणे लोक कुठे जेवायला गेल्यावर किंवा तेथील सर्व्हिस पसंत आली तर आपल्या क्षमतेनुसार काही रूपयांची टिप(Tip) नक्की देतात. मात्र, शिकागोतील (Chicago) एका कपलने टिप देण्याचा आपला एका वेगळा रेकॉर्डच बनवला आहे.

टिपमध्ये दिली इतकी रक्कम

शिकागोतील एका रेस्टॉरन्टमध्ये डिनर केल्यानंतर कपलने २०० डॉलरची टिप (2000 Dollar Tip) दिली. भारतीय करन्सीनुसार ही रक्कम १,४५,७३० इतकी होते. तुम्ही म्हणाल इतक्यात मी खूप काही केलं असतं. पण प्रेमात असलेल्या या कपलला आपल्या प्रेमासमोर ही रक्कम काहीच वाटत नसेल. शिकागोतील क्लब लकी नावाच्या फूड जॉइंटने बिल कॉपी सोशल मीडियावर शेअर केली. या बिलाचे फोटो सोशल मीडियावर व्हायरल झाले आहेत. 

२० वर्षांच्या आठवणी

काही ठिकाणं आपल्याला इतकी  आवडतात की, आपल्या आनंदाच्या क्षणात आपल्याला तिथेच जाणं आवडतं. असंच या कपलचं होतं. हे दोघे २० वर्षांआधी क्लब लकीमध्ये पहिल्यांदा भेटले होते आणि तेव्हापासून ते तिथे नेहमीच आपला वेळ घालवतात. २० वर्षाआधी १२ फेब्रुवारीला झालेली त्यांच्या पहिल्या डेटनंतंर हे कपल दरवर्षी ठीक ७ वाजून ३० मिनिटांनी टेबल नंबर ४६ वर आपल्या डेट नाइटसाठी क्लब लकीमध्ये येतात. क्बलही या कपलसाठी दरवर्षी तयार राहतं. त्यांच्यासाठी टेबल रिजर्व करून ठेवतात. या क्लबचा स्टाफही त्यांच्या या आनंदात सामिल होऊन आनंदी होतो.

कपलकडून देण्यात आलेली टिप रेस्टॉरन्टमधील स्टाफला वाटून देण्यात आली. सर्वांनी कपलला शुभेच्छा देत त्यांच्या या टिपसाठी आभार मानले. या क्लब लकीचे मालक जिम हिंगिस म्हणाले की कोरोना व्हायरसनंतर निर्माण झालेल्या अडचणीच्या स्थितीत ही टिप भरपूर कामात येईल.