जगातला सर्वात बेस्ट पती, पत्नीला खूश करण्यासाठी केलं चक्क Maternity Photoshoot

पत्नीला खूश करण्यासाठी काही पती कोणतीही गोष्ट करायला तयार असतात. अनेकजण पत्नीला अनेक गोष्टींचं प्रॉमिस करतात, पण पूर्ण करू शकत नाहीत. हा विषय बाजूला ठेवू. पण एखादा पती त्याच्या गर्भवती पत्नीला खूश करण्यासाठी स्वत: Maternity Photoshoot करू शकतो का? तर याचं उत्तर 'हो' असं आहे. कारण एका पतीने असंच केलंय आणि तेही एकट्याने. 

अमेरिकेतील Kentucky मध्ये राहणारी Kelsey Brewer आई होणार होती. या गोष्टीने ती फार आनंदी होती. पण तिला Maternity Photoshoot करता आलं नाही. कारण तिला डॉक्टरांनी पूर्णपणे बेडरेस्ट सांगितली होती. पण तिचा पती जेरेड याने हार मानली नाही. त्याने त्याच्या पत्नीला खूश करण्यासाठी Maternity Photoshoot केलं.

केल्सीने तिच्या फेसबुक अकाऊंटवर पतीच्या फोटोशूटचे फोटो शेअर केले आहेत. हे फोटो Kiana Smither हिने काढले आहेत.

कियाना ही केल्सीची बहीण आहे. तिने सांगितले की, जेरेडने तिला सांगितलं की, फोटोशूट तर होणारच. त्याने कियानाला सांगितले की, केल्सीला या फोटोशूटबाबत काहीच माहीत नाही. त्यानंतर जेव्हा तिला हे फोटो दाखवले तेव्हा ती आनंदाने भारावून गेली.

फेसबुकवरील यूजर्सना हे फोटो पाहून चांगलाच आनंद झाला. अनेकांनी जेरेडचं कौतुक केलंय. 

फोटोशूट केल्यावर काही दिवसांनीच कपलला एक मुलगा झाला. मात्र, जेरेड एक जगातल्या सर्व पतींसाठी एक उदाहरण कायम केलं आहे. त्याने हे दाखवून दिलं आहे की, पार्टनरला खूश करण्यासाठी काहीही केलं पाहिजे. जेणेकरून प्रेम कायम राहील.