Video: अस्वलाने आरशात स्वत:ला पाहिलं, आधी दचकला, मग घाबरला, पण नंतर जे केलं ते...

सोशल मीडियावर हा व्हिडीओ सध्या चांगलाच व्हायरल झालाय

Bear Viral Video: तुम्ही कधी विचार केला आहे का की, एखाद्या प्राण्याने स्वत:ला आरशात पाहिले तर त्याची प्रतिक्रिया काय असेल? माकडांना अनेकदा असे करताना पाहिले गेले आहे, जेव्हा ते स्वतःला आरशात पाहतात तेव्हा ते त्याच्याशी खेळू लागतात. परंतु सोशल मीडियावर एक धक्कादायक व्हिडिओ व्हायरल झाला आहे. कोणीतरी जंगलात जाऊन जंगली अस्वलासोबत हा प्रयोग केला. त्याने जंगलातील एका झाडाला मोठा आरसा बांधला आणि मग त्या आरशासमोरून अस्वल आल्यानंतर वेगळाच प्रकार घडला.

अस्वलाने स्वतःला पहिल्यांदा आरशात पाहिले तेव्हा...

हा क्षण टिपण्यासाठी त्याने काही अंतरावर कॅमेराही लावला होता आणि इकडे तिकडे फिरत असताना अस्वल अचानक आरशासमोर आले तेव्हा ते दृश्य पाहण्यासारखे होते. आरसा पाहून अस्वल खूप घाबरले आणि मग त्याने काय केले याची आपण कल्पना करू शकत नाही. सोशल मीडियावर व्हायरल झालेला एक व्हिडिओ लोकांना विचार करायला लावणारा आहे. एखादा प्राणी आरशासमोर उभा राहिल्यावर त्याची प्रतिक्रिया काय असेल हे दाखवण्याचा प्रयत्न त्या व्यक्तीने केला. हा व्हायरल व्हिडिओ पाहिल्यानंतर तुम्हालाही थोडं आश्चर्य वाटेल.

अस्वलाची प्रतिक्रिया खूप आश्चर्यकारक

अस्वल जेव्हा आरशासमोर आला तेव्हा तो अचानक कोणाला तरी पाहून दचकला. सुरुवातीला तो घाबरून पळून गेला, पण नंतर अस्वल पुन्हा आला आणि आरशाशी झटापट करू लागला. त्याला वाटले की आरशात दिसणारे अस्वल वेगळे आहे. याची चाचणी घेण्यासाठी त्याने आरशातील स्वतःच्या प्रतिमेवर हल्ला केला आणि त्याचा परिणाम असा झाला की आरसा तुटला.

How a bear reacts to a mirror in the forest. pic.twitter.com/FS780FLqKr

— Fascinating (@fasc1nate) September 2, 2023

हा व्हिडिओ सोशल मीडियावर चांगलाच व्हायरल होत आहे. हा व्हिडिओ पाहिल्यानंतर अनेकांनी आपल्या प्रतिक्रिया दिल्या.