Chimpanzee Table Tennis Video: चिंपांझीला कधी टेबल टेनिस खेळताना पाहिलंय का? पाहा धमाल व्हिडीओ

विशेष म्हणजे, चिंपांझीने या खेळात स्मॅश मारून विजयदेखील मिळवला.

Chimpanzee Table Tennis Viral Video: इंटरनेटच्या 'जगात' कधी कोणते मजेदार व्हिडिओ बघायला मिळतील, काही सांगता येत नाही. सध्या एक अनोखा व्हिडिओ सोशल मीडियावर खूप चर्चेत आहे. हा व्हिडीओ पाहून तुम्हीही नक्कीच भारावून जाल. सोशल मीडियावर फिरत असलेल्या या क्लिपमध्ये एक चिंपांझी एका व्यक्तीसोबत टेबल टेनिस खेळताना दिसत आहे. हा व्हिडिओ सध्या चांगलाच व्हायरल झाल्याचं दिसत आहे. एखाद्या प्रतिभावान खेळाडूप्रमाणे तो चिंपांझी टेबल टेनिसचा खेळ खेळताना दिसत आहे आणि याची मोठ्या प्रमाणावर चर्चा रंगली आहे.

तुम्ही आजपर्यंत चिंपांझी माणसांची नक्कल करता पाहिले असतील, ड्रोन उडवताना पाहिले असतील किंवा अगदी कपडे धुतानाही पाहिले असतील. असे काही चिंपांझीचे व्हिडीओ काही दिवसांपूर्वी व्हायरल झाले होते. पण तुम्ही टेबल टेनिस खेळणारा चिंपांझी कधी पाहिला आहे का? सध्या एका चिंपांझीचा असा व्हिडीओ व्हायरल झाला आहे. एखाद्या निष्णात खेळाडूप्रमाणे तो चिंपांझी टेबल टेनिस खेळताना दिसतोय. इतकेच नव्हे तर माणसाने मारलेल्या शॉटला योग्य प्रकारे प्रत्युत्तर देतानाही तो पाहायला मिळतोय.

चिंपांझीचा टेबल टेनिस खेळतानाचा व्हिडीओ-

व्हिडिओ पाहून तुम्हाला असे वाटेल की, हा चिंपांझी लहानपणापासून हा खेळ खेळत आहे. तो काय जबरदस्त शॉट मारतोय ते बघू शकता. आणखी आश्चर्याची गोष्ट म्हणजे तो हा टेबल टेनिसचा खेळ खेळताना अजिबात हलत नाहीये. त्याचं पूर्ण लक्ष खेळावरच आहे. चिंपांझीचा टेबल टेनिस खेळतानाचा हा व्हिडिओ SPORTbible या सोशल मीडिया प्लॅटफॉर्मवर शेअर करण्यात आला आहे. हा व्हिडिओ खरोखरच खूप मस्त आहे. छोटाशा या व्हिडिओला आतापर्यंत ४१ हजारांहून अधिक रिअँक्शन्स मिळाल्या आहे.