अजगराची अंडी चोरी करण्याचा व्यक्ती करत होती प्रयत्न, पुढे जे झालं ते बघून बसेल धक्का...

Viral Video : व्हिडिओत तुम्ही बघू शकता की, कशाप्रकारे अजगर आपली अंडी एका जागी गोळा करून आरामात बसला आहे.

कोणत्याही प्राण्याला किंवा जीवाला विनाकारण त्रास देणं महागात पडू शकतं. खासकरून विषारी साप, विंचू किंवा काही खतरनाक जंगली प्राण्यांपासून दूर राहणंच चांगलं राहतं. पण काही लोक असे असतात जे विनाकारण असा धोका अंगावर ओढवून घेतात. नुकताच सोशल मीडियावर एक व्हिडीओ व्हायरल झाला आहे. ज्यात एक व्यक्ती अजगराची अंडी गपचूप उचलण्याचा प्रयत्न करताना दिसत आहे. पण जसं अजगराला हे समजतं तेव्हा संतापून त्या व्यक्तीवर हल्ला करतो. हा व्हायरल व्हिडीओ जे ब्रेवरने इंस्टाग्रामवर शेअर केला आहे. 

हा व्हिडीओ इन्स्टावर @jayprehistoricpets नावाच्या अकाऊंटवर पोस्ट करण्यात आला आहे. व्हिडिओत तुम्ही बघू शकता की, कशाप्रकारे अजगर आपली अंडी एका जागी गोळा करून आरामात बसला आहे. अशातच एक व्यक्ती ही अंडी उचलण्याचा प्रयत्न करत आहे. त्यानंतर जे होतं ते अंगावर शहारे आणणारं आहे. कारण व्यक्ती जसा अंडी उचलतो अजगर संतापून व्यक्तीच्या डोक्यावर हल्ला करण्याचा प्रयत्न करतो.

23 नोव्हेंबरला हा व्हिडीओ शेअर करण्यात आला असून व्हिडिओला आतापर्यंत 7 लाखांपेक्षा जास्त व्ह्यूज मिळाले आहेत. तसेच अनेकांनी यावर कमेंट्सही केल्या आहेत. एकाने लिहिलं की, केवळ ही व्यक्तीच असं काही करू शकते. दुसऱ्याने लिहिलं की, आता समजलं की, मुली का मुलांपेक्षा जास्त जगतात.