पोलिस अधिकाऱ्याची भूतदया! थंडीने कुडकुडणाऱ्या माकडाला दिली मायेची ऊब, Video व्हायरल

सोशल मीडियावर एका पोलिस अधिकाऱ्याचा व्हिडीओ तुफान व्हायरल होत आहे. 

Viral Video : सोशल मीडियावर प्राण्यासंबंधी असंख्य व्हिडीओ व्हायरल होत असतात. पाळीव प्राण्यांपासून ते जंगली प्राण्यांचे व्हिडीओ व्हायरल होताना तुम्ही पाहिले असतीलच. असाच एका जंगली माकडाचा व्हिडीओ सोशल मीडियावर समोर आला आहे. 

सध्या संपूर्ण देशभरात थंडीचा कडाका वाढला आहे. वातावरण कुल  झाल्याचं पाहायला मिळतंय. मागील दोन दिवसांपासून थंडीने प्रत्येकाला गारठवलं आहे. हे या वर्षातील नीचांकी तापमान ठरले आहे. तर वातावरणात शीतलहर कायम असल्याने नागरिकांना हुडहुडी भरुन येत आहे.  या बदलत्या वातावरणची झळ प्राण्यांनाही बसली आहे. असाच एक व्हिडीओ सोशल मीडियावर समोर आलाय. 

पाहा व्हिडीओ - 

या व्हायरल व्हिडीओमध्ये थंडीमुळे कुडकुडणाऱ्या माकडाचा हिटरची ऊब देताना एक पोलिस अधिकारी दिसतोय. हा व्हिडीओ कानपूरमधील असल्याचे व्हिडीओमधून स्पष्ट होतंय. हा पोलिस अधिकारी या गारठलेल्या माकडाच्या डोक्यावरून मायेने हात फिरवत आहे. ते माकड सुद्धा शांतपणे काही न करता गुपचूप ऊब देणाऱ्या हिटर मशीनसमोर बसला आहे. थंडीने गारठलेल्या माकडाला मायेनं कुरवाळणाऱ्या या पोलिस अधिरकाऱ्यांच नेटकऱ्यांनी तोंड भरून कौतुक केलं आहे. शिवाय या व्हाररल व्हिडीओवर नेटकऱ्यांनी लाईक्स आणि कमेंट्सचा वर्षाव केला आहे.