बाबोsss... तीन मिनिटांत मुलीने खाल्ली १५ अंडी, ३ काकड्या अन् नूडल्स सूपचं अख्खं पातेलं (Video)

Girl eating viral video: मुलीचा हा व्हिडीओ सध्या सोशल मीडियावर तुफान व्हायरल झालाय

Girl eats eggs noodles Video: सध्या सोशल मीडियावर एका मुलीचा व्हिडिओ व्हायरल होत आहे, ज्यामध्ये ती अवघ्या तीन मिनिटांत 15 अंडी, 3 काकडी आणि नूडल्स सूपसोबत खाताना दिसत आहे. हा व्हिडिओ पाहून कोणाचाही विश्वास बसणार नाही की माणूस इतके अन्न इतक्या कमी वेळेत खाऊ शकतो. पण हा व्हिडिओ शेअर करण्यात आला असून त्यात ही बाब स्पष्टपणे दिसत आहे. इतकेच नव्हे तर तिच्यावर लक्ष ठेवण्यासाठी मागे एक मुलगा बसला आहे.

व्हिडीओमध्ये असे दिसते की ती एक फूड ब्लॉगर आहे आणि ती तिच्या व्हिडिओंमध्ये विविध अन्नपदार्थ खाण्याची आव्हाने पूर्ण करते. या व्हिडिओमध्ये तिने एक चॅलेंज पूर्ण केले आहे. या व्हिडिओमध्ये, मुलगी एका प्लेटमध्ये 15 उकडलेली अंडी, एका प्लेटमध्ये 3 काकड्या आणि एका मोठ्या पातेल्यात असलेले सूपसह नूडल्स कॅमेऱ्यासमोर ठेवते. सर्वप्रथम ती पटकन काकड्या खाऊन फस्त करते. त्यानंतर, अंडी उचलून खाऊ लागते.  आणि सर्वात शेवटी दोन-तीन अंडी सुपमध्ये टाकून ती सूप पिताना दिसते. त्यात अंडी संपतात. त्यानंतर मोठ्या पातेल्यात असलेल्या नूडल्सदेखील संपवते. पाहा व्हिडीओ-

There's no way she ate it all that fast pic.twitter.com/I8NZB8HL03

— Crazy Clips (@crazyclipsonly) October 8, 2023

दरम्यान, व्हिडिओ पाहिल्यानंतर लोक आश्चर्यचकित झाले आहेत. आश्‍चर्यकारक बाब म्हणजे ती मुलगी तीन मिनिटांत सर्व काही खाते हेच लोकांना पटत नाहीये. काही लोक म्हणत आहेत की मुलीने काहीतरी हातचलाखी केली आहे. तर काहींचे  म्हणणे आहे की हा व्हिडीओ खोटा आहे. पण काहीही असले तरी तरुणीचा हा व्हिडिओ आतापर्यंत लाखो लोकांनी पाहिला आहे. हा व्हिडिओ पाहिल्यानंतर लोक विविध प्रकारच्या कमेंट करत आहेत. काही लोक मुलीचे कौतुक करत आहेत, तर काही लोक तिला सल्ला देत आहेत.