Shower Jugaad Viral Video: भन्नाट जुगाड! गरम पाण्याचा शॉवर मिळावा म्हणून तरूणाने केला 'स्मार्ट' उपाय; भले भले इंजिनियरही होतील हैराण

शॉवरसाठी त्याने केलेला उपाय तुम्ही पाहिलात का?

Shower Jugaad Viral Video: सोशल मीडिया म्हणजे व्हायरल व्हिडीओंचा खजिना आहे. त्यातही वेगवेगळ्या पद्धतीचे व्हिडीओ बनवण्यात लोक अग्रेसर असतात. अनेक वेळा काही ना काही जुगाड केल्याच्या व्हिडीओ पटकन व्हायरल होतात. देशातील अनेक लोक 'जुगाड' करून आपलं काम सोपं करताना दिसतात. जुगाड व्हिडिओ सोशल मीडियावर मोठ्या प्रमाणात व्हायरल होतात. सध्या एका माणसाचा शॉवरचा व्हिडीओ व्हायरल होतोय. पण त्या शॉवरसाठी त्याने जो जुगाड केलाय त्याला तोडच नाही.

लोक वेळ आणि पैसा वाचवण्यासाठी जुगाडचा वापर करत असतात. असाच काहीसा प्रकार या माणसाने केल्याचं व्हिडीओत दिसतंय. या माणसाने उघड्यावर आंघोळ करण्याचा जो जुगाड शोधून काढलाय त्यापुढे भले भले इंजिनियरही हात टेकतील. व्हायरल होत असलेल्या व्हिडीओमध्ये घराबाहेर आंघोळीला एक माणूस बसलाय. तो आनंदाने आंघोळ करत आहे. त्याच्या डोक्यावर पाण्याने भरलेली एक पिशवी लटकवली आहे. आंघोळ करताना साबण लावून झाल्यानंतर तो माणूस चक्क भुताऱ्याने (बांबू काड्यांच्या झाडूने) त्या पॉलिथिनला हळूच छिद्र पाडतो आणि त्यातून शॉवरसारखं पाणी बाहेर पडू लागतं. पाहा व्हिडीओ-

A good jugaad =)#EIIRInteresting#engineering#creativity
Credit: deadblack109, ViaWeb pic.twitter.com/WOWmw1wG2w

— Pareekh Jain (@pareekhjain) January 19, 2022

हा व्हिडीओ @pareekhjain नावाच्या युजरच्या अकाऊंटवरून ट्विटरवर शेअर करण्यात आला आहे. लोकांनी या व्हिडिओला पसंती दर्शवली ​​आहेत. लाइक्स आणि कमेंट्सद्वारे त्यांच्या प्रतिक्रियाही कळवल्या आहेत. कमेंट्समध्ये एकाने लिहिलंय की, 'हे माणूस खूपच हुशार आहे', तर दुसऱ्या यूजरने लिहिलंय की, 'कोणत्याही कामात शिक्षणाची गरज नाही. गरज असली की मेंदू आपोआप काम करतो'. महत्त्वाची बाब म्हणजे, या व्हिडीओतील जुगाडचं साऱ्यांनी कौतुकच केलं आहे.