Virat Kohli Reaction on Fan, Viral Video मैदानात घुसलेल्या चाहत्याला पाहून विराटने दिली भन्नाट प्रतिक्रिया, व्हिडीओ झाला व्हायरल

फॅनला खांद्यावर टाकून नेलं मैदानाबाहेर; त्यावर विराटची WWE स्टाईल रिअँक्शन पाहिलीत का?

Virat Kohli Reaction on Fan, Viral Video : पहिल्याच हंगामात थेट प्ले ऑफ्समध्ये धडक मारणाऱ्या लखनौ सुपर जायंट्स संघाचा प्रवास एलिमिनेटर सामन्यात संपुष्टात आला. रॉयल चॅलेंजर्स बंगलोर संघाने बुधवारच्या सामन्यात लखनौला १४ धावांनी पराभूत केले. साखळी फेरीत तिसऱ्या क्रमांकावर असलेला लखनौचा संघ २००हून अधिक धावांच्या आव्हानाचा पाठलाग करताना चांगल्या लयीत होता. मात्र शेवटच्या तीन षटकांत सामना पूर्णपणे पलटला. लोकेश राहुल आणि दीपक हुड्डा दोघेही बाद झाले आणि लखनौने सामना गमावला. या सामन्यात एका चाहत्याने सुरक्षाकडे तोडले पण त्याला ज्या प्रकारे मैदानातून बाहेर नेण्यात आले त्यावरून इतरांचे चांगलेच मनोरंजन झाले.

IPL 2022 च्या एलिमिनेटर सामन्यात जेव्हा रॉयल चॅलेंजर्स बंगलोर (RCB) चे क्षेत्ररक्षण चालू होते आणि सामना संपत आला होता, त्यावेळी असे काही घडले की सर्वांनाच आश्चर्याचा धक्का बसला. इडन गार्डन्सच्या मैदानात एका चाहत्याने स्टँडवरून उडी मारून मैदानात प्रवेश केला आणि विराट कोहलीजवळ पोहोचला. त्यानंतर कोलकाता पोलीस व ग्राउंडमधील सुरक्षारक्षकही तिथे पोहोचले आणि त्यांनी त्या चाहत्याला थेट खांद्यावर टाकत मैदानाबाहेर नेले. यादरम्यान विराट कोहलीची प्रतिक्रिया जबरदस्त होती. त्या चाहत्याला पाहून विराट कोहलीला आधी आश्चर्य वाटले होते, त्यानंतर त्याने WWE स्टाईल रिअँक्शन दिली.

Intruder in yesterday's match.
Kohli 🤣 pic.twitter.com/1CiQXZTDdm

— Samy (@ZlxComfort) May 26, 2022

दरम्यान, लखनौ विरूद्धच्या सामन्यात बंगलोरने प्रथम फलंदाजी करताना २०७ धावा केल्या. विराट कोहली, ग्लेन मॅक्सवेल, फाफ डू प्लेसिस यांसारख्या बड्या खेळाडूंनी साफ निराशा केल्यानंतर युवा फलंदाज रजत पाटीदारने अप्रतिम फलंदाजी केली. त्याने शतक ठोकत संघाला द्विशतकी मजल मारून दिला. या आव्हानाला प्रत्युत्तर देताना लखनौचा क्विंटन डी कॉक स्वस्तात परतला. लोकेश राहुलने अर्धशतक ठोकलं. त्याला दीपक हुड्डाने दमदार फटकेबाजी करत चांगली साथ दिली. पण अखेरीस त्यांचे प्रयत्न तोकडे पडले.