रात्री उशीरा घरी परतली महिला अन् सकाळी कारची डिक्की उघडून पाहिली तर बसला धक्का!, Video व्हायरल

एका महिलेला तिच्या कारच्या डिक्कीमध्ये असं काही पाहायला मिळालं की जे पाहून तिला जोरदार धक्का बसला. कारच्या डिक्कीच्या आत जे होतं ते पाहून ती जोरात किंचाळली आणि तातडीनं पोलिसांना पाचारण केलं. त्यानंतर समजलं की गेल्या तीन दिवसांपासून एक अनोळखी व्यक्ती तिच्या कारच्या डिक्कीमध्ये होता. तेही निवस्त्र. 

संपूर्ण घटनेची माहिती कार मालक महिलेनं एका व्हिडिओच्या माध्यमातून दिली आहे. 'डेली स्टार'च्या अहवालानुसार अमेरिकेत राहणाऱ्या या महिलेचं नाव बेथनी कोकर असं आहे. बेथनीनं सांगितलं की एकेदिवशी रात्री उशीरा घरी परतल्यानंतर तिनं आपली कार घराच्या गेटजवळच पार्क केली होती. पण दुसऱ्या दिवशी जेव्हा तिनं आपली कार पाहिली तेव्हा ती खूप खराब झाल्याचं तिच्या लक्षात आलं. 

कारच्या आतल्या सीटवर माती पसरली होती. कारमधली परिस्थिती पाहून असं वाटत होतं की कुणीतरी रात्रभर कारमध्ये होतं. अशातच बेथनीचं लक्ष तिच्या कारच्या डिक्कीकडे गेलं आणि पुढे जे घडलं ते तिच्यासाठी आश्चर्यकारक ठरलं. डिक्की उघडताच तिला धक्का बसला. एक व्यक्ती निवस्त्र अवस्थेत डिक्कीत झोपला होता. त्याच्या पायांना माती लागली होती. या व्यक्तीमुळेच आपली कार खराब झाल्याचं तिच्या लक्षात आलं. बेथनीनं क्षणाचाही विलंब न करता पोलिसांना फोन केला आणि संपूर्ण घटना सांगितली. पोलिसांनी संबंधित व्यक्तीला कारच्या डिक्कीतून बाहेर काढलं. 

Nanaimo's Bethany Coker says she was startled to find a naked man in the trunk of her car. And she believes he had been there for three days.
The story tonight on @GlobalBC News at 11. pic.twitter.com/zLt4ERJICC

— Global BC (@GlobalBC) February 4, 2022

पोलिसांनी जेव्हा या व्यक्तीला कारच्या डिक्कीत का शिरला होतास असं विचारलं असता त्यानं आपण पोपचा मुलगा असल्याचं सांगितलं. कारमध्ये झोपल्यानं थेट ईश्वराशी बोलता येतं, असं तो बोलू लागला. पोलिसांनी अधिक तपास केला असता संबंधित व्यक्ती एका मनोरुग्णालयातून पळून आलेला असल्याचं समोर आलं. तो गेले तीन दिवस रात्रीचा याच कारच्या डिक्कीत किंवा कारमध्ये झोपायचा असंही चौकशीतून समोर आलं.