काकूंची हातचलाखी! बोलण्यात गुंतवून महिलेच्या बॅगमधून 'अशी' लंपास केली पर्स; पाहा Video 

एक सभ्य दिसणारी महिला दुकानात जाऊन दुसऱ्या महिलेच्या बॅगमधून तिची पर्स कशी चोरते हे व्हिडिओमध्ये तुम्ही पाहू शकता. 

नवी दिल्ली - चोरीच्या अनेक घटना या सातत्याने समोर येत असतात. चोरांनी लढवलेली शक्कल पाहून अनेकदा आपल्याला आश्चर्याचा धक्का बसतो. याचे अनेक व्हिडीओ हे याआधी देखील सोशल मीडियावर जोरदार व्हायरल झाले आहेत. असाच एक व्हिडीओ सध्या सोशल मीडियावर तुफान व्हायरल होत आहे. एक सभ्य दिसणारी महिला दुकानात जाऊन दुसऱ्या महिलेच्या बॅगमधून तिची पर्स कशी चोरते हे व्हिडिओमध्ये तुम्ही पाहू शकता. 

विशेष म्हणजे चोरी झाली पण खांद्यावर बॅग असलेल्या महिलेला हे कळतही नाही. त्यासाठी चोरी करणारी महिला देखील थोडं डोकं लावून गर्दी आहे हे भासवत, त्याचाच गैरफायदा घेत धक्काबुक्की करते आणि संधी साधून चोरी करते. अशा स्थितीत महिलेला बॅगेत हात असल्याचा संशय आला तरी गर्दीमुळे धक्काबुक्की केली जात असल्याचे दिसून येतं. काही वेळातच महिलेने पर्स चोरून तेथून पळ काढला.

हा व्हिडीओ जुना असून तो आता सोशल मीडियावर प्रचंड व्हायरल होत आहे. इन्स्टाग्रामवर अनेकांनी तो पाहिला आहे. या व्हिडिओला मोठ्या संख्येने लोकांनी लाईकही केले आहे. व्हिडिओवर अनेकांनी कमेंट करत चोरट्या काकूंबद्दल आपल्या प्रतिक्रिया दिल्या आहेत. त्यामुळे नेहमीच सावध राहणं गरजेचं असल्याचं म्हटलं जात आहे. दुकानातील सीसीटीव्हीमध्ये चोरीचा हा प्रकार कैद झाला आहे. एका हिंदी वेबसाईटने याबाबतचे वृत्त दिले आहे.