Football Skills Video: आ रा रा रा खतरनाक... फुटबॉलशी खेळताना मुलाने केले 'गजब' स्टंट, सारेच झाले अवाक्

त्याने चक्क झोपून फुटबॉल दोन पायांवर बॅलन्स केला...

Extra Ordinary Talent with football Skills: सोशल मीडियाची एक खास गोष्ट म्हणजे त्यावर असे टॅलेंट समोर येतात की लोकांना त्यांच्याबद्दल माहितीही नसते. सध्या फुटबॉलच्या मैदानात आपली जादू दाखवणाऱ्या एका मुलाचा व्हिडिओ व्हायरल झाला आहे. हा मुलगा फुटबॉलसोबत स्टंट करताना दिसत आहे. या दरम्यान, त्याने फुटबॉलसह त्याचे दोन्ही पाय आणि शरीर यांचा अप्रतिम समतोल साधला आहे. काही युजर्सनी हा व्हिडिओ सोशल मीडियावर शेअर केला आहे. यामध्ये एका फुटबॉलच्या मैदानात हा मुलगा फुटबॉलसोबत खेळताना दिसत आहे. मैदानावर इतर अनेक खेळाडू उपस्थित असल्याचे व्हिडिओमध्ये दिसत आहे, पण तरीही हा मुलगा त्याचे वेगळे कसब दाखवून साऱ्यांचेच मन जिंकताना दिसतो आहे.

व्हिडीओमध्ये हा मुलगा आधी बराच वेळ पायाने फुटबॉल नाचवताना दिसतो आणि त्यानंतर तो डोक्याच्या मदतीने फुटबॉल फिरवतो. हा मुलगा वेग, चपळता, लवचिकता आणि नियंत्रणाच्या जोरावर काहीतरी वेगळे करताना दिसतो. आश्चर्याची गोष्ट म्हणजे हा मुलगा बसून आणि चक्क झोपूनही त्या फुटबॉलचा तोल सांभाळतो आणि फुटबॉल पडू देत नाही. जणू काही फुटबॉल त्याच्या अंगाला चिकटला आहे असेच व्हिडीओ पाहताना वाटते. पाहा व्हिडीओ-

Rate his skills 1-10 ?😱😳 pic.twitter.com/xExNwYYis2

— Next Level Skills (@NextSkillslevel) March 11, 2023

दरम्यान हा व्हिडीओ कधी आणि कुठचा आहे, याबद्दलची माहिती मिळालेली नाही. तसेच हा मुलगा कोण आहे आणि तो कुठला आहे हे कळू शकलेले नाही. मात्र त्याचा व्हिडिओ प्रचंड व्हायरल झाला आहे. या व्हिडिओवर लोकांच्या प्रतिक्रियाही उत्स्फूर्तपणे येत आहेत. लोक या मुलाची मेस्सी आणि रोनाल्डोसोबत तुलना करतानाही दिसत आहेत.