मध्य रेल्वेच्या ६२४ स्वच्छता मोहिमा पूर्ण; रेल्वे ट्रॅक, परिसर बनला स्वच्छ अन् सुंदर

अनोखा उपक्रम : कर्मचारी वसाहतीमध्येही राबविला उपक्रम

सोलापूर : भारत सरकारच्या विशेष स्वच्छता मोहिमेमध्ये मध्य रेल्वेने पुढाकार घेऊन ६२४ मोहिमा पूर्ण केल्या. यामध्ये रेल्वेस्थानके, रेल्वे परिसर, ट्रॅक, कार्यशाळा, रेल्वे वसाहती इत्यादी ठिकाणच्या स्वच्छता मोहिमांचा आणि कार्यालयातील प्रलंबित बाबींचा निपटारा करणे सुनिश्चित करण्याचा समावेश आहे.

विशेष मोहीम मध्य रेल्वेने स्वच्छता मोहिमेसाठी सर्व ४६६ स्थानके हाती घेतली आहेत. रेल्वेस्थानकांच्या यांत्रिक साफसफाईवर विशेष भर देण्यात आला असून, रेल्वेगाडी आणि स्थानकांच्या स्वच्छतेवर विशेष लक्ष केंद्रित करण्यात आले आहे. मध्य रेल्वेने यापूर्वीच रेल्वेस्थानके, कार्यालये, कार्यशाळा, रेल्वे कर्मचारी वसाहती इत्यादींचा समावेश असलेल्या ६२४हून अधिक स्वच्छता मोहिमा आयोजित केल्या आहेत. या मोहिमेदरम्यान, इतर अनेक उपक्रमदेखील घेतले गेले आहेत ज्यात ऑनलाइन प्रक्रिया करण्यासाठी आणि विविध प्रलंबित संदर्भांचा निपटारा करण्यासाठी माहिती तंत्रज्ञानाचे ॲप्लिकेशन्स विकसित करण्याचा समावेश आहे.

----------

तक्रार केल्यास तात्काळ निपटारा

‘रेल मदत पोर्टल’द्वारे सार्वजनिक तक्रारींवरही लक्ष ठेवले जाते. हे तक्रारींचे रिअल-टाइम निवारण आणि प्रलंबित असलेल्या तक्रारींचे ऑनलाइन निरीक्षण आणि निपटारा प्रदान करते. विशेष मोहीम अजूनही प्रगतिपथावर आहे आणि कार्यालयातील सर्व प्रलंबित बाबींची स्वच्छता आणि जलद निपटारा सुनिश्चित करणे हे त्याचे उद्दिष्ट आहे.

------