माझ्याशी फोनवर बोलत जा म्हणत अल्पवयीन मुलीचा पाठलाग, गुन्हा दाखल

विनयभंग केल्याप्रकरणी तरुणावर गुन्हा दाखल झाला आहे.

सोलापूर : मागील दोन महिन्यांपासून अल्पवयीन १७ वर्षाच्या मुलीचा पाठलाग करत तिला रस्त्यात अडवून माझ्याशी बोलत जा म्हणत तिचा विनयभंग केल्याप्रकरणी तरुणावर गुन्हा दाखल झाला आहे. याबाबत पीडितेच्या आईने फिर्याद दिली आहे. या प्रकरणी शामकुमार अंबादास माचर्ला (रा. सोलापूर) याच्यावर पोक्सोन्वये गुन्हा दाखल झाला आहे.

पीडिता ही एक वर्षापासून एका दुकानात कामाला जात होती. आरोपी हा पीडितेचा दोन महिन्यापासून पाठलाग करत होता. हि बाब पीडितेने आपल्या कुटुंबियांना सांगितली होती. त्यानंतर पीडितेच्या कुटुंबियांनी आरोपीच्या आईला या घटनेची माहिती दिली. त्यानंतरही आरोपीने पुन्हा पीडितेचा पाठलाग सुरू ठेवला.

शुक्रवारी पीडिता घरी जात असताना आरोपीने तिला दुचाकीवरून पाठलाग करत तिला रस्त्यात अडवले. त्यानंतर मला तुझ्याशी बोलायचे आहे, जर नाही बोलली तर मी जीव देतो असे म्हणाला. यामुळे पीडितेने या घटनेची माहिती कुटुंबियांना सांगितली. याप्रकरणी पीडितेच्या आईच्या फिर्यादीवरून आरोपीवर गुन्हा दाखल झाला आहे. घटनेचा तपास पोलिस करत आहेत.