लातूरकडे निघालेली लक्झरी बस अन् पिकअप व्हॅनची समोरासमोर धडक, दोन जणांचा मृत्यू

दोन म्हशींचाही मृत्यू 

सोलापूर /कुर्डूवाडी: टेंभुर्णी रोडवर (कुर्डू, ता. माढा) येथे माळी पुण्यावरून लातूरकडे जाणाऱ्या खासगी लक्झरी बस व अकलूजला विक्रीसाठी चार जनावरे घेऊन निघालेला पिकअप यांची समोरा समोर धडक जोराची धडक होऊन पिक-अप चालकासह दोघांचा तसेच दोन म्हशींचा मृत्यू जागीच झाला. तर लक्झरी बसच्या चालकासह इतर दोन जण अपघातात गंभीर जखमी झाले आहेत. ही घटना दि. १८ सप्टेंबर रोजी सकाळच्या सुमारास घडली आहे.

लक्झरी बसचा क्रमांक एनएल- ०१,बी -१२६६ तर पिकचा क्रमांक एम एच-२० डीई -२०९२ या गाडीचा अपघात झाला. अपघातामध्ये अझहर शफीक कुरेशी (वय ३५ रा.पापनस ता माढा) असे मयत पिकअप चालकाचे नाव असून देविदास परशुराम मुत्तलवाड रा.मुखेड व बसवंत रामराव वाघमारे रा.शिवली ता.औसा जि.लातुर व इतर एकजण अशी जखमी तिघांची नावे आहेत.यात एक म्हैस देखील गंभीर जखमी झाली असून एक अपघात घडताच बाहेर पडल्याने सुखरूप सुटका होऊन बचावली आहे.