पंढरपूर-टेंभुर्णी मार्गावर अपघात; शेतकरी संघटनेचे पदाधिकारी बालंबाल बचावले

सोलापूर लोकमत ब्रेकींग

 

पंढरपूर : पंढरपूर - टेंभूर्णी मार्गावर गुरसाळेजवळ झालेल्या अपघातातून शेतकरी संघटनेचे पंढरपूर येथील पदाधिकारी बालंबाल बचावले असून त्यांच्या गाडीने पलटी घेतली आणि रस्त्याच्या बाजूला जाऊन पुन्हा उभी राहिली. 

गुरसाळे पासून पुढे काहीच अंतरावर एका मोटार सायकलस्वाराला वाचविण्याच्या नादात हा अपघात घडला. शेतकरी संघटनेचे पदाधिकारी टेंभूर्णीच्या दिशेने निघाले असताना त्यांच्या इनोव्हा गाडीच्या समोर अचानक एक मोटार सायकलस्वार आला. त्याला वाचविण्यासाठी प्रयत्न करीत असताना इनोव्हा गाडी पलटी झाली आणि रस्त्याच्या बाजूला जाऊन पुन्हा उभी राहिली.

अनेकांच्या साक्षीने हा अपघात घडला आणि मोटार सायकलस्वार मात्र सहीसलामत निघून गेला. इनोव्हा गाडीत दोघे जण होते, ते ही बचावले. गाडी पलटी होऊनही दोघेजण बचावल्याने आश्चर्य व्यक्त होत आहे. आजूबाजूला असलेले लोक तातडीने मदतीसाठी धावले. अपघात अत्यंत भयावह होता परंतु सुदैवाने या अपघातात कुणालाच काही झाले नाही ही सुदैवाचीच बाब असल्याचे अपघात पाहणाऱ्या नागरिकांनी सांगितले