राज्यभरात संभाजी भिडे यांच्या विराेधात आंदाेलने, साेलापुरात मात्र समर्थनार्थ एकवटणार कार्यकर्ते 

सोलापूर : राष्ट्रपिता महात्मा गांधी, महात्मा जाेतिबा फुले यांच्याबद्दल अवमानकारक वक्तव्ये केल्याबद्दल शिवप्रतिष्ठान संघटनेचे संभाजी भिडे यांच्याविरुध्द राज्यभरात आंदाेलने सुरू आहेत. दुसरीकडे साेलापुरात भिडे यांच्या समर्थनार्थ बुधवारी सायंकाळी चार वाजता शेकडाे कार्यकर्ते एकवटणार आहेत. 

शिवप्रतिष्ठान हिंदुस्थान संघटनेच्या पदाधिकाऱ्यांनी संघटनेच्या कार्यकर्त्यांनी बुधवारी सायंकाळी चार वाजता छत्रपती शिवाजी महाराज चाैकात एकत्र येण्याचे आवाहन केले आहे. संभाजी भिडे यांच्या विराेधात गेल्या पाच दिवसांपासून शहरातील विविध संघटनांनी आंदाेलने केली आहेत.

भिडे यांना अटक करावी अशी मागणी राष्ट्रवादी काॅंग्रेस पवार, काॅंग्रेस, समता परिषदेच्या कार्यकर्त्यांनी केली आहे. यादरम्यान, शिवप्रतिष्ठान संघटनेचे कार्यकर्ते भिडे यांच्या समर्थनार्थ एकत्र येत आहेत.