अंकोलीची भैरवनाथ यात्रा रद्द

चैत्र शुद्ध कालाष्टमीच्या दिवसापासून सलग तीन दिवस उत्साही वातावरणात ही यात्रा साजरी केली जाते. या यात्रेसाठी सोलापूरसह सांगली, सातारा, कोल्हापूर, पुणे, मुंबई व उस्मानाबाद जिल्ह्यांसह कर्नाटक राज्यातील भाविक मोठ्या प्रमाणात येतात; परंतु गतवर्षीपासून कोरोना संसर्गामुळे ही यात्रा रद्द करावी लागत आहे. या यात्रा काळात होणारे कार्यक्रमही रद्द केले आहेत. मात्र, धार्मिक विधी व पूजा-अर्चा पुजाऱ्यांकडून केली जाणार असल्याचे विश्वस्त अजित पुजारी व सोमा पुजारी यांनी सांगितले.

देवाचे छायात्रित घरात ठेवूनच पूजन करावे

४ मे रोजी पहाटे ५ वाजता ग्रामदैवत भैरवनाथ व जोगेश्वरी देवी यांच्या होणाऱ्या विवाह सोहळ्याप्रसंगी भाविक व ग्रामस्थांनी मंदिर व परिसरात गर्दी न करता आपल्या घरातील देवघरात देवाचा फोटो ठेवून तेथूनच अक्षता सोहळा पार पाडावा. प्रशासनाला सहकार्य करावे, असे आवाहन मंदिर समितीने केले आहे.