लाडक्या गणरायाचे आज आगमन; पंढरपुरातील विठ्ठल मंदिरात आकर्षक सजावट

गणेश चतुर्थीनिमित्त विठ्ठल गाभारा सजला दुर्वांनी; मनमोहक रूपाने मंदिर उजळले

ठळक मुद्देआज होणार गणरायाचे थाटात आगमनगणेशोत्सव साध्या पद्धतीने करण्याचे प्रशासनाचे आवाहनसोलापूर शहर व जिल्ह्यात गणपती बाप्पा मोरया चा गजर

सोलापूर : लाडक्या गणरायाचं आज आगमन होत आहे सकाळपासूनच सोलापूर शहर व जिल्ह्यात गणपती बाप्पा मोरया'चा जयघोष दिसून येत आहे. दरम्यान, गणेश चतुर्थीनिमित्त आज पंढरपूरच्या श्री विठ्ठल मंदिरात आकर्षक सजावट करण्यात आली आहे. गणपतीला आवडणाऱ्या हिरव्यागार दुर्वांमध्ये पांढऱ्या पोषाखात श्री विठ्ठलाचे आणि रुक्मिणी मातेचे रुप अधिकच खुलून दिसत आहे.

दरम्यान, संपूर्ण राज्यासह  सोलापूर शहर व जिल्ह्यात  कोरोनाचे संकट असले तरी लाडक्या गणरायाच्या आगमनासाठी सोलापूर सजले आहे. गणेशाच्या अगमनानिमित्त पंढरपूर मंदिरातील विठ्ठल गाभाऱ्यात प्रवेश करताना दोन्ही बाजूला गणेशाचे अष्टविनायक रुपातील मुर्ती ठेवण्यात आल्या आहेत. तसेच दुर्वांच्या शेतामध्ये सावळा विठूराया कडेवर हात ठेवून उभा राहिल्याचा भास होताना दिसत आहे. हिरव्यागार दुर्वांमध्ये पांढऱ्या पोषाखात श्री विठ्ठलाचे आणि रुक्मिणी मातेचे रुप अधिकच खुलले आहे. गाभाऱ्यातली ही सजावट मंदिर समितीच्या कर्मचाऱ्यांच्या वतीने करण्यात आली आहे.