घरामध्ये घुसून जमावाकडून प्राणघातक हल्ला, चौघांसह जमावाविरुद्ध गुन्हा दाखल
By विलास जळकोटकर | Published: August 16, 2023 07:19 PM2023-08-16T19:19:33+5:302023-08-16T19:20:05+5:30
२५ तोळे सोने, २ किलो चांदी पाच लाखाची रोकड लंपास, दोघींचा विनयभंग
घरामध्ये घुसून जमावाकडून प्राणघातक हल्ला, चौघांसह जमावाविरुद्ध गुन्हा दाखल
Next विलास जळकोटकर, सोलापूर: जमावासह घरामध्ये बेकायदेशीर रित्या घुसून घरामधील २५ तोळे सोने, २ किलो चांदी, पाच लाखाची रोकड असा ऐवज नेला. विनयभंग केल्याच्या तक्रारीवरुन चौघांसह जमावा विरुद्ध गुन्हा नोंदला आहे. ही घटना २५ ते २९ मे या कालावधीत उत्तर कसबा परिसरात घडली. न्यायालयाकडून कलम १५६ अन्वये आदेश प्राप्त झाल्याने १५ ऑगस्ट रोजी गुन्हा दाखल झाला आहे. या प्रकरणी फौजदार चावडी पोलीस ठाण्यात सपना भाविन रंभिया (वय ४२), भाविन रांभिया (वय- ५०), संजय पाटील (५५), सुलताना यांच्या सह १५ ते २० जणांविरुद्ध गुन्हा नोंद झाला आहे.
यातील पिडित फिर्यादीच्या घरामध्ये भाडेकरु व घरमालकाच्या जागेच्या कारणावरुन वरील लोकांनी घरामध्ये शिरुन तोडफोड केली. प्राणघातक हत्यारासह हल्ला केला. घरातील २५ तोळे सोने, दोन किलो चांदी, पाच लाखाची रोकड रक्कम, सिलेंडर गॅस चोरुन नेल्या. तसेच फिर्यादी व त्यांच्या मुलीचा विनयभंग केला म्हणून तक्रार दिली. यावर न्यायालयाने कलम १५६ नुसार गुन्हा दाखल करुन घेण्याचे आदेश पोलिसांना दिले त्यानुसार गुन्हा नोंदला आहे. तपास सपोनि गायकवाड करीत आहेत.