पंढरीतील तालुका पोलीस ठाण्यात आत्महत्येचा प्रयत्न; पती-पत्नीविरुद्ध गुन्हा

पोलीस कर्मचारी अमित भानुदास ताटे हे मंगळवारी सकाळी साडेनऊ वाजता पंढरपूर तालुका पोलीस ठाण्यात ठाणे अंमलदार म्हणून कर्तव्यावर हजर होते. यावेळी तानाजी गोविंद कांबळे व त्याची पत्नी राणी तानाजी कांबळे हे दोघे संगनमत करून पंढरपूर तालुका पोलीस ठाण्यात आले. माझी तक्रार घ्या, माझी तक्रार का घेत नाही? असे मोठमोठ्याने पोलीस कर्मचारी अमित ताटे यांना बोलत होते. ताटे यांनी तुमच्या तक्रारीचे स्वरूप काय आहे? काय झाले आहे? असे कांबळे यांना विचारले.

यावेळी कांबळे यांनी तक्रारीबाबत उपयुक्त माहिती सांगितली नाही. यानंतर ताटे व साक्षीदारांची नजर चुकवून तानाजी कांबळे यांनी पत्नीच्या साडीच्या पदराआड लपून विषारी औषध तोंडात घेऊन आत्महत्या करण्याचा प्रयत्न केला आहे. पुढील तपास पोसई प्रशांत भागवत करीत आहेत.