पंढरपूर स्टेट बँकेत नऊ लाख रुपयांची रक्कम पळवली
By लोकमत न्यूज नेटवर्क | Published: April 2, 2019 03:19 PM2019-04-02T15:19:52+5:302019-04-02T15:20:42+5:30
पंढरपूर : भारतीय स्टेट बँकेच्या पंढरपूर शाखेतून अज्ञात चार ते सहा इसमांनी हात सफाई दाखवत ९ लाख रुपयांची रक्कम ...
पंढरपूर स्टेट बँकेत नऊ लाख रुपयांची रक्कम पळवली
पंढरपूर : भारतीय स्टेट बँकेच्या पंढरपूर शाखेतून अज्ञात चार ते सहा इसमांनी हात सफाई दाखवत ९ लाख रुपयांची रक्कम पळवल्याची घटना मंगळवारी दुपारी बारा वाजता घडली आहे.
सी एम एस ही कंपनी रोज पंढरपूर शहरातील बँकांशी रुपयांची देवाण-घेवाण करते. दररोज प्रमाणे सीएमएस कंपनीचे कर्मचारी सौरभ सतीश हैंदरे (वय २६,रा. पंढरपूर) हे १८ लाख रुपये बॅगमध्ये घेऊन स्टेट बँक ऑफ इंडियामध्ये भरण्यासाठी आले होते.
१८ लाख पैकी ९ लाख रुपये बँकेच्या एका ट्रेमध्ये भरले व उर्वरित नऊ लाख रुपये बॅगमध्ये होते. ती बॅग अज्ञात चोरट्यांनी गर्दीचा फायदा घेत हातसफाई ने पळवून नेहली आहे. ही बाब लक्षात येताच सौरभ हैंदरे व स्टेट बँकेतील अधिकाऱ्यांनी व कर्मचारी यांनी पोलिसांना खबर दिली. त्यानुसार पोलीस उपनिरीक्षक चंद्रकांत गोसावी, पोलीस उपनिरीक्षक रियाज मुलानी व पोलीस कर्मचारी बँकेत तपास करत आहेत.
