फुकट दारूची मागणी करणाºया तिघांना बार्शी पोलीसांनी केली अटक

बार्शी : शहरातील बीअर बारमध्ये दारू पिऊन झाल्यानंतर त्याच्या बिलाची मागणी करताना बिल देत नाही तुला काय करायचे ते ...

ठळक मुद्देही घटना ४ मार्च रोजी रात्री तेलगिरणी चौकातील हॉटेलमध्ये घडलीमहिन्याला ५ हजार रुपयांचा हप्ता दिला पाहिजे असे म्हणून बीअरच्या बाटल्या व ग्लास फोडून नुकसान केले

बार्शी : शहरातील बीअर बारमध्ये दारू पिऊन झाल्यानंतर त्याच्या बिलाची मागणी करताना बिल देत नाही तुला काय करायचे ते कर, तुला धंदा करावयाचा असेल तर आम्हाला पाच हजार दे अशी मागणी करणाºया तिघांना शहर पोलिसांनी अटक केली.

ही घटना ४ मार्च रोजी रात्री तेलगिरणी चौकातील हॉटेलमध्ये घडली. याबाबत सुहास शिवाजी होनाळे (३४, रा.दत्तनगर बार्शी) यांनी लल्ल्या उर्फ सागर रमेश वाघमारे (३५, रा.तेलगिरणी चौक), अण्णा उर्फ संतोष भोसले (४०, संभाजी नगर), राहुल जाधव (३०, सुभाषनगर, बार्शी) यांच्याविरुद्ध तक्रार दिली.

 सुहास होनाळे यांचे बीअर बार असून होनाळे हे हॉटेलच्या काऊंटरवर बसले असता या हॉटेलच्या जवळच राहत असलेले तिघे आले. यावेळी झालेले १४९० रुपये दारूचे बिल मागत असताना तुला येथे धंदा करावयाचा असेल तर दारू पिण्यास फुकट दिली पाहिजे व आम्हाला महिन्याला ५ हजार रुपयांचा हप्ता दिला पाहिजे असे म्हणून बीअरच्या बाटल्या व ग्लास फोडून नुकसान केले.