मोहोळमध्ये दोन वेगवेगळ्या कारणावरून मारहाण; ११ जणांविरुद्ध गुन्हा

दोन वेगवेगळ्या कारणावरून दोन गटात मारामारी झाल्याची घटना दि. २५ फेब्रुवारी रोजी मोहोळ येथील गुलशन नगर येथे घडली. मोहोळ पोलिसांनी दोन्ही गटातील ११ जणांवर गुन्हे नोंदले आहेत.

याबाबत पोलिसांच्या माहितीनुसार अब्दुल रज्जाक कुरेशी हे भावकीतील मुलीचे लग्न करून गुलशन नगर येथील भावाच्या घरी जाऊन बोलत बसले असताना काही व्यक्तींनी घरात प्रवेश करून शिवीगाळ व डोक्याला काठीने मारहाण केली. याप्रकरणी शाहीद कुरेशी, नजीम कुरेशी, रफिक कुरेशी, शहाबाज कुरेशी, आवेज शेख, शाबाद कुरेशी या सहाजणांविरुद्ध अब्दुल रज्जाक कुरेशी यांनी फिर्याद दिल्याने त्यांच्याविरुद्ध गुन्हा नोंदला आहे.

दरम्यान दुसऱ्या गटाने दिलेल्या फिर्यादीत म्हटले आहेत? की, २५ फेब्रुवारी रोजी दुपारी दोनच्या दरम्यान नजीम कुरेशी हे कुरेशी गल्लीतील मस्जिद मध्ये नमाज पडून बाहेर आले असता रजाक फकीर कुरेशी यास दिलेल्या जनावरांचे पैसे मागितले असता तो शिवीगाळ करून निघून गेला. मात्र काही वेळातच काही लोकांना घेऊन घरासमोर मोटरसायकलवर येऊन लाथाबुक्क्यांनी मारहाण करून घरातील कपाटाची मोडतोड केली. याप्रकरणी रजाक फकिर कुरेशी, इब्राहिम फकीर कुरेशी, सद्दाम रज्जाक कुरेशी, गौस फकीर कुरेशी व नजीर गौस कुरेशी (रा. गुलशन नगर मोहोळ) या पाच जणांविरुद्ध नजीम कुरेशी यांनी फिर्याद दिली आहे. दोन्ही गटाच्या ११ जणांविरुद्ध गुन्हे नोंदले आहेत. तपास महिला हवालदार मालती नागरे करीत आहेत.