बांधावरील झाडीझुडपी तोडून जनावरांचा रस्ता बंद करणा-या मायलेकास मारहाण

जनावरांचा येण्या -जाण्याचा रस्ता बंद करीत होते.

काशिनाथ वाघमारे, सोलापूर : शेतात बांधावरील काटेरी झाडी-झुडपी तोडून कोंबड्या व जनावरांच्या येण्या जाण्याचा रस्ता बंद करीत असताना शेजारील शेतक-यांसह चौघांनी मिळून मायलेकास शिवीगाळ दमदाटी करून कु-हाडीच्या पाठीमागील तुंब्याने लेकाच्या डाव्या व उजव्या पायावर मारून जखमी केले.  

ही घटना काल शुक्रवार, २६ मे रोजी दुपारी १२.३० च्या सुमारास (मेटकरवाडी, शिरभावी, ता. सांगोला) येथे घडली. याबाबत संतोष मोहन खांडेकर यांने फिर्याद दिली असून पोलिसांनी बिरा लवटे, हणमंत लवटे, इंदाबाई लवटे व कविता लवटे यांच्याविरुद्ध गुन्हा दाखल झाला. फिर्यादी संतोष खांडेकर व बिरा लवटे यांची शेत जमीन एकमेकाशेजारी बांधास लागून आहे. दरम्यान बिरा लवटे यांच्या कोंबड्या व जनावरे संतोष खांडेकर यांच्या पिकात येऊन नुकसान करीत होते. म्हणून तो आणि त्याची आई सखुबाई खांडेकर शुक्रवारी सकाळी ११ वाजता त्यांच्या बांधास असणारी काटेरी झाडी-झुडपी कु-हाडीने तोडून त्यांच्या बांधावर टाकून कोंबड्या व जनावरांचा येण्या -जाण्याचा रस्ता बंद करीत होते.

दरम्यान दुपारी १२:३० च्या सुमारास शेजारी राहणा-या इंदाबाई लवटे यांनी त्या ठिकाणी येऊन मायलेकास शिवीगाळ करीत हा बांध आमचा आहे म्हणत बिरा लवटे हणमंत लवटे, कविता लवटे शिवीगाळ दमदाटी केली. यावेळी बिरा लवटे याने संतोषच्या हातातील कु-हाड हिसकावून कु-हाडीच्या तुंब्याने त्याच्या उजव्या व डाव्या पायावर मारून जखमी केले. हनुमंत लवटे याने त्यास खाली पाडून लाथाबुक्क्यांनी मारहाण केली.