सुर्ली ग्रामपंचायतीवर भैरवनाथ पॅनलचे वर्चस्व

टेंभुर्णी : माढा तालुक्यातील सुर्ली ग्रामपंचायत निवडणुकीत रामकृष्ण काळे व महादेव पवार यांच्या नेतृत्वाखालील भैरवनाथ ग्रामविकास आघाडी पॅनलने सात पैकी सहा जागांवर वर्चस्व मिळविले. सर्व सदस्य मोठ्या मताधिक्क्याने निवडून आले.

सुर्ली ग्रामपंचायतीच्या सात जागांसाठी चुरशीची निवडणूक झाली. या निवडणुकीत भैरवनाथ ग्रामविकास आघाडीचे सहा सदस्य शंभरपेक्षा जास्त मताने विजयी झाले. सुरेश पवार, स्वाती कदम, डॉ.प्रियांका काळे, शरिफा कासीम शेख, येताळा कोयले, डॉ.प्रियांका काळे हे सदस्य निवडून आले. विरोधी गटाचे पंडित नारायण जाधव हे एकमेव सदस्य निवडून आले.

निवडीनंतर सर्व सदस्यांचा आघाडी प्रमुख रामकृष्ण काळे व महादेव पवार यांनी सन्मान केला.

-----

फोटो : २० सुर्ली

विजयानंतर आनंदोत्सव साजरा करताना भैरवनाथ पॅनलचे प्रमुख रामकृष्ण काळे व विजयी उमेदवार.