मोठी बातमी; ७ फेब्रुवारीपर्यंत सोलापुरातून धावणाऱ्या १२ एक्सप्रेस गाड्या रद्द

रेल्वेने घेतला ७२ तासांचा ब्लॉक; दोन गाड्यांच्या मार्गात केला बदल

सोलापूर : मुंबई विभागात ट्रॅफिक आणि पॉवर ब्लॉकमुळे सोलापूर विभागातून धावणाऱ्या गदग, सिकंदराबाद, दादर, साईनगरसह अन्य ८ गाड्या ५ ते ७ फेब्रुवारी, २०२२ या दोन दिवसांसाठी रद्द करण्यात आल्या आहेत, शिवाय अन्य दोन गाड्यांच्या मार्गात बदल करण्यात आल्याची माहिती रेल्वे प्रशासनाने दिली.

मध्य रेल्वेतील मुंबई विभागात ठाणे-दिवा दरम्यान ५ आणि ६ लाइनच्या कामाकरिता ५ फेब्रुवारी, २०२२ रोजी रात्री १२ वाजल्यापासून ७ फेब्रुवारी २०२२च्या रात्री १२ वाजेपर्यंत (७२ तासांसाठी) ट्रॅफिक आणि पॉवर ब्लॉक घेण्यात येणार आहे. ट्रॅफिक आणि पॉवर ब्लॉकमुळे सोलापूर विभागातून धावणाऱ्या मेल एक्स्प्रेस गाड्या रद्द/शार्ट टर्मिनेट करण्यात येणार आहे. याबाबतची प्रवाशांनी माहिती घेऊन प्रवास सुनिश्चित करावा, असे आवाहन रेल्वे प्रशासनाने केला आहे.

----------

रद्द करण्यात आलेल्या गाड्या...

• - सिकंदराबाद-लोकमान्य टिळक टर्मिनस
• - लोकमान्य टिळक टर्मिनस-सिकंदराबाद
• - मुंबई-गदग एक्स्प्रेस
• - गदग-मुंबई एक्स्प्रेस
• - दादर-साईनगर शिर्डी एक्स्प्रेस
• - साईनगर शिर्डी- दादर एक्स्प्रेस
• - दादर-साईनगर शिर्डी एक्स्प्रेस
• - दादर-पंढरपूर एक्स्प्रेस
• - पंढरपूर- दादर एक्स्प्रेस

---------

मार्गात बदल करण्यात आलेल्या गाड्या...

हैद्राबाद : मुंबई एक्स्प्रेस पुणे स्थानकापर्यंत धावणार असून, मुंबई - हैद्राबाद एक्स्प्रेस पुणे स्थानकाहून आपल्या निर्धारित वेळेवर सुटणार असल्याचे रेल्वे प्रशासनाने सांगितले. आणखी काम वाढल्यास ब्लॉक पुन्हा वाढविण्यात येणार असल्याचेही सांगण्यात आले.