सोलापूरची पोरं हुशार; सोलापूर जिल्ह्याचा बारावीचा निकाल ९३.७४ टक्के...!

यंदाही मुलींची बाजी; ५० हजार १७८ विद्यार्थी उत्तीर्ण

सोलापूर : महाराष्ट्र राज्य माध्यामिक आणि उच्च माध्यामिक शिक्षण मंडळाचा इयत्ता बारावीचा निकाल गुरूवारी दुपारी १ वाजता आॅनलाइन पध्दतीने जाहीर करण्यात आला.  यंदाच्या वर्षी सोलापूर जिल्ह्याचा बारावीचा निकाल ९३.७४ टक्के इतका लागला आहे.

बारावीसाठी सोलापूर जिल्ह्यातील ११ तालुके व शहरातून कला, वाणिज्य व विज्ञान या तिन्ही शाखेतून ५३  हजार ७४० विद्यार्थी परीक्षेस बसले होते़  त्यापैकी ५० हजार १७८ विद्यार्थी उत्तीर्ण झाले आहेत.  यात अ श्रेणीतून २३ हजार ९०४, ब श्रेणीतून १९ हजार ४०४ विद्यार्थ्यानी यश मिळविले आहे.

तालुकानिहाय निकाल

• अक्कलकोट : 90.70%
• बार्शी : 93.81%
• करमाळा : 89.62%
• माढा : 95.09%
• माळशिरस : 92.40%
• मंगळवेढा : 97.30%
• मोहोळ : 95.62%
• पंढरपूर : 95.36%
• उत्तर सोलापूर : 92.92%
• सांगोला : 95.70%